2 Kinivo 23
23
Kini Iosaia ivonadabadaba Iave Navonadabadaba inavekimatanedi
1Kini Iosaia Iuda nakabaloina wete Ielusalema taoni kaditomoqovo bwaigidi matatabudi iqolekauqidi inamai waineye. 2Matautauda Kini Iosaia, me Iuda wete me Ielusalema, tovelomuvo, Iave napalopitavo wete tomo'otoqa matatabudi, gumanidiavo vesivesinuadi wete ge vesivesinuadi, taiauda inaqo Iave na Temupolo waineye. No waineye Kini Iosaia Vonadabada Kanabuki matatabuna iwawai tomo'otoqa waidie, bukinina base natolituqavo ibabaneni Iave na Temupolo naqeneye. 3Kini Iosaia itovoi kini dikabatovoi Temupolo kanakoqala vivineye, ivonadabadaba Iave mataneye inavekimatana-otoqeni we naloina inavalabubunidi nuapouna wete vaitabuna matatabunaeqa mesaida Vonadabadaba Kanabuki waineye ivesipupuyedi wete mesaida tomo'otoqa matatabudi ivonadabadaba Iave Navonadabdaba inavekimataneni.
4 #
2 Ki 21:3 Kini Iosaia tovelomuvo kaditogumeta Ilikaia, tovelomuvo tupwaidiavo wete Temupolo Kanatomiagamata iloinedi saku kabasobwanu Ba'ala, Asela, valavala, wetaki wete mwatuia paipaidi inakewaluguaqetedi Iave na Temupolo waineye'eqa inanawedi Ielusalema kanakala mulineye. Kediloni Kawagovana waineye Kini Iosaia matatabudi igabunidi, mulineye kaupapadi ikewadi inawedi Bedeli taoni waineye.
Matautauda Kini Iosaia inaqo Iuda wete Isileli dikabaloina matatabuna ivelauvivilidi tomo'otoqa dikabasobwanu matatabuna iluvelakovidi, gumanidiavo waineye tomo'otoqa isobwasobwanu yaubadavo waidie. We yaubada katupoe ditovelomuvo iveuqeuqedi.
We kininidiavo Iosaia iemulieni Iave ge idavekimataneni we kapoina ivalabubuni Iave mataneye.
Tällä hetkellä valittuna:
2 Kinivo 23: mzz
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 (Active), Wycliffe Bible Translators, Inc. All rights reserved.