2 Kinivo 22
22
Iosaia me Iuda dikini
1Tutuyanina Iosaia kanadiqaba 8 waineye ivekini Iuda naqeneye, iloiloina Ielusalema waineye diqaba 31 naqedie. Inana kadiwavaqa Iedida, Adaia natuna Bodiketi taoni waineye'eqa. 2Tutuya puena Kini Iosaia navalabubuna tonotonovina Iave mataneye, navalabubuna matatabuna tubuna Kini Deibida kiavena ietutuyameni, ge idatauyakapo.
Kini Iosaia tupwaidiavo tomoqovo ivonedi Iave na Temupolo inaketokaivauya. Tutuyanina ikeketokaivauya Vonadabadaba Kanabuki Mosese igililia ibabaneni ikewai inaweni Kini Iosaia waineye.
11Tutuyanina Kini Iosaia vonanidiavo inoqai Vonadabadaba Kanabuki waineye inua-kapo bwaigina beqa kanatalauma isilabulabuki ivekaiveveneni ge idamwasana. 12Vedimadimanaeqa Kini Iosaia natolituqavo bwaigidi iqolekauqidi imai waineye mesaida tovelomu Ilikaia, Sapani natuna Aikami, Mikaia natuna Akobo, Sapani kini natogilili, wete Asaia kini kanatovonakaivaisa. 13Kini Iosaia iloinedi ivo, “Kwainaqo Temupolo waineye kwaivesipupu Iave waineye yau paipaigu wete me Iuda matatabudi paipaidi. Kwaivelautolieni vonanidiavo giligililidi paipaidi Navonadabadaba Kanabuki naqeneye ibabaneni. Tubudavo vonanidiavo giligililidi ge idavekimatanedi, wete kida mesaida ge tadavekimatanedi beqa Iave kanakapoka mesaida kai ikalakalata waideye.”
Kini Iosaia natolituqavo bwaigidi inaqo tamo Iave napalopita vavinedi waidie kadiwavaqa Ulida, we gumanidi Iave nabaivila ivetuneni Kini Iosaia waineye.
16-17Ivonedi ivo, “We Iave dede mesaida ivesipupu ivo, ‘Gutomo'otoqavo Iuda ivedumwekaikaiegu we divelomu ikakalaqeiedi yaubada katupoe waidie wete puedi taunidi dimadieqa ivalabubunidi, divalabubunavo beqa kagukapoka iveoqaoqali. Beqa kaimatavuloqa bwaigiotoqina aimaieni Ielusalema taoni wete kanatomia waidie mesaida Kini Iosaia iwawai Vonadabadaba Kanabuki naqeneye. Kagukapoka mesaida kai ikalakalata Ielusalema waineye, ge tamo aitoi kanasala inakweuya.’ 18We Kini Iosaia, gumanina ivetunemi waigue, kwaivoneni kwanavo, ‘Yau Iave me Isileli mi Yaubada gubaivila dede mesaida Vonadabadaba Kanabuki navona paipaidi: 19Tutuyanina gukawakapo kunoqai Ielusalema kanatomia taiauda aikaimatavuloqidi, kunuavila taunimu kusiobuyemu Yau Iave matague, kamutalauma kusilabulabukidi wete kutaiqa matague. Base avonavaqata Ielusalema inavesaku-maimaiqa kanatomia taiauda we malitomo'otoqa kanawavaqa inakinanai dikabasaidibi, we munuavila anoqai paipaina amwasana. 20Beqa Yau aitagwanemu komu kiwapa niwalovaeqa, we mutomo'otoqavo inatavunimu. Kaimatavuloqa bwaigiotoqina aimaieni Ielusalema waineye ge kikiseni.” Beqa tolituqanidiavo bwaigidi ivila inaqo Kini Iosaia waineye Ulida divalea ivesipupuyeni.
Tällä hetkellä valittuna:
2 Kinivo 22: mzz
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 (Active), Wycliffe Bible Translators, Inc. All rights reserved.