Suosittuja jakeita Raamatun kirjasta Taga-Roma 3

Jaa

Nagbasol amin a tattao ket agkurangda iti kinadayag ti Dios. Ngem gapu iti parabur a siaayat nga inted ti Dios, mapalinteg ti amin a tattao iti sangoananna babaen ken ni Cristo Jesus a mangwayawaya kadakuada.

Palintegen ti Dios dagiti tattao gapu ta mamatida ken ni Jesu-Cristo. Aramiden ti Dios daytoy kadagiti amin a mamati ken ni Cristo, ta awan a pulos ti pagdudumaanda.

Indaton ti Dios ni Cristo Jesus tapno, babaen iti ipapatayna, isu ti pakapakawanan dagiti basol dagiti tattao babaen iti pammatida kenkuana. Inaramid ti Dios daytoy tapno ipakitana ti kinalintegna. Iti napalabas, naanus ket pinalabasna dagiti basol ti tao. Ngem iti agdama a tiempo, dina palabasenen ti basol ti tao tapno ipakitana ti kinalintegna. Kastoy ti panangipakita ti Dios a nalinteg ti aramidna, ket palintegenna ti amin a mamati ken ni Jesus.

Ta awan ti tao a mapalinteg iti imatang ti Dios babaen iti panangtungpalna iti Linteg. Agserbi ti Linteg a mangipakaammo a nakabasol ti tao.

Kas kuna ti Nasantoan a Surat: “Awan ti uray maysa a nalinteg a tao, Awan ti uray maysa a makaawat, wenno mangbirok iti Dios. Pinanawanda ti Dios, nagbalinda amin a dakes. Awan ti uray maysa nga agaramid iti naimbag.

Ta ibilangtayo a mapalinteg ti tao iti sangoanan ti Dios babaen iti pammati, ket saan a babaen iti panangtungpalna iti Linteg.

Saan! Napudno latta ti Dios, uray naulbod ti amin a tao. Kas kuna ti Nasantoan a Surat: “Masapul a maipakita a nalintegka no agsaoka, Masapul a mangabakka iti aniaman a pangidarumanda kenka.”