Suosittuja jakeita Raamatun kirjasta Taga-Roma 2

Jaa

Sika a mangukom kadagiti sabsabali ngem aramidem met dagiti ar-aramidenda, ipagarupmo kadi a malisiam ti panangukom ti Dios? Wenno, tagibassitem kadi ti aglaplapusanan a kinaimbag, panagibtur ken kinaanus ti Dios? Awan duadua nga ammom a manangngaasi ti Dios gapu ta ikalkalikagumna a maiturongka nga agbabawi.

Gayyem, uray ania ti katataom, awan a pulos ti panggapuam a mangukom iti sabali. No ukomem dagiti sabsabali, ngem aramidem met dagiti ar-aramidenda, ta bagim met laeng ti uk-ukomem.

Awan ti idumduma ni Apo Dios.

Ta saan a mapalinteg ti tao iti imatang ti Dios babaen iti panagdengngegna iti Linteg, no di ket babaen iti panagtungpalna iti Linteg.

Gunggonaanto ti Dios ti tunggal tao kas maitutop iti aramidna.

Adda dagiti tattao a ti laeng bukodda a pagimbagan ti sapsapulenda ken laksidenda ti pudno tapno surotenda ti dakes. Idissuorto ti Dios kadakuada ti pungtot ken gurana.

Ngem gapu ta natangken ti panagul-ulom ken nasukirka, nakarkaronto ti pannakadusam inton Aldaw a maiparangarang ti pungtot ti Dios ken ti nalinteg a panangukomna.