Suosittuja jakeita Raamatun kirjasta LUUKAS 11

Jaa

¿Jia na pim guꞌ bɨɨx pɨx jir jix bhabhaiꞌkam ja bui gu jam maamar, sia ku pim jax jir jix uꞌuaꞌtulhdhix kam jaꞌtkam? ¿Guñ Gɨꞌkoraꞌ gi baꞌ na giilhim jir jix bhaiꞌkam nax dhaam jup tuꞌiiꞌ? Tajaañdhaꞌ ji matgɨm gux Dhuuduꞌ kam jix Uañ Iiꞌmdagaꞌn gu jaroiꞌ na taandaꞌ.

Baꞌ aañ puiꞌp jam tɨtda, gu tuꞌ na pim taandaꞌ guñ Gɨꞌkoraꞌ, jam makiaꞌ dho. Piam gu tuꞌ na pim gaꞌngadaꞌ, jam aagiꞌñdhaꞌ ɨp. Gio noꞌ pim pɨx ji kɨɨsaim na pim bha tu soon kiꞌñgob, jam kupioꞌkdhaꞌ ɨp.

Na guꞌ na pim jax bax maat gu jaroiꞌ noꞌ pɨx ji kɨɨsaim na tu taan gu tuꞌ, makiaꞌ am. Piam noꞌ tuꞌ gaꞌnga, tɨgiaꞌ ɨp. Gio noꞌ pɨx bhaiꞌ ji chu soon bhaiꞌ paiꞌ kiꞌñgob, kupioꞌkdhaꞌm ɨp.

Baꞌp ja tɨtda gu Jesuus: ―Dho jaꞌp japim kaiꞌchdhaꞌ na pim paiꞌ dhuuk tu daandaꞌ buiñor gu Dios: Aapiꞌch Gɨꞌkoraꞌ nap jix dhaam jup tuꞌiiꞌ, aap nap gammɨjɨx uañ kɨꞌn pur jum tɨɨtgɨdam kaꞌ. Iam jap jaꞌxbuiꞌ puiꞌp xi chu buadaꞌ yaꞌ dhi oiꞌñgaꞌn jaꞌp nap jax tu buadaꞌx dhaam jaꞌk. Ku guꞌ aap ji noꞌp dɨɨlh puiꞌp ɨlhiiꞌñdhaꞌ gɨt, aach puiꞌ pɨx soiꞌm kaichuꞌn ji.

Gio baꞌ nap iam tuch uañiꞌñkaꞌ nach jɨꞌx mach uaꞌtulhdhaꞌ jum bui, puiꞌ nach jax jup tu ja uañiꞌñ aach guiꞌ nam jup jum uaꞌtulhiꞌñ jich bui. Gammɨjɨp iam jich aꞌm tɨ nɨidhidhaꞌ na cham jich maiꞌchɨi gu jaꞌook jumai boi bhaan jich bhɨichdhaꞌ na paiꞌ maiꞌx chɨ gɨɨxiꞌ.

Gio dhich chuukuꞌ na tuꞌ kɨꞌn jup dua, gammɨjɨp xi maakidhat nabap tanoolh na baꞌ kɨꞌn jix bhaiꞌ tu tatda kaꞌ.

Dhich buupui puꞌñip ji buusan na jax gu kañdhiir na joidham gɇꞌ tu maaxiꞌñ kaꞌ tukaaꞌ noꞌ bɨꞌñdhix, nach guꞌ kɨꞌn tɨ nɨiꞌñ. Muiꞌ pɨx pux chum tukgam kaꞌ guꞌ noꞌ cham kɨkɨɨꞌ dhich buupui.

’Aañ cham jɨꞌxkat jaroiꞌ paiꞌ nɨiꞌñ gu maaꞌnkam na xi mɨichdhai gu kañdhiir mɨjɨ jaꞌp xi kɨɨsaꞌ na paiꞌ cham tu maax kaꞌ, piam ku tuꞌ kɨꞌn xi chaaꞌbidhaꞌ. Guꞌ jaꞌpji bhammɨ jaꞌp na pu xi kɨɨsaꞌ tɇꞌkob na baꞌx chu maax kaꞌ nam mi jaꞌp oipodaꞌ gu jaꞌtkam.