Suosittuja jakeita Raamatun kirjasta MARKA 6

Jaa

Yena a va byela, a ku: “Tanani n'wina swenu laha ku tengeleleke, mi wisa kutsongo,” hikuva lavo tala a va ha ta, van'wana va tlhela, kutani vaapostola a va nga ri na nkarhi wa ku dya.

Kambe Yesu a ku eka vona: “Muprofeta a nga soriwi loko ku nga ri etikweni ra rikwavo, ni le maxakeni ya yena.”

Kuteloko Yesu a huma ebyatsweni, a vona vunyingi lebyikulu, a va twela vusiwana, hikuva a va fana ni tinyimpfu leti nga riki na murisi; kutani a sungula ku va dyondzisa timhaka leto tala.

Hikwalaho a tsandzeka ku endla masingita kona, loko ku nga ri ku hanyisa lava vabyaka va nga ri vangani, hi ku va tlhandleka mavoko henhla. Kambe a hlamala hi ku ka va nga pfumeri. Kutani a tifambela emitini leyi nga etlhelweni, a ri karhi a dyondzisa.

Yesu, kuteloko a tekile swinkwa swa ntlhanu ni tinhlampfi timbirhi, a languta ehenhla, a khensa, kutani a phema swinkwa a nyika vadyondzisiwa va yena leswaku va nyiketela vanhu, ni tinhlampfi timbirhi, a ti avela hinkwavo. Va dya hinkwavo, va xurha. Kutani va teka swirhundzu swa khume na swimbirhi leswi teleke hi mahlanhla ni swihlubyana swa tinhlampfi.