Suosittuja jakeita Raamatun kirjasta ESAYA 65

Jaa

Ku ta humelela leswaku loko va huwelela, ndzi ta hlamula, loko va ha vulavula, ndzi ta va yingisa.

“Hikuva, maswivo, ndzi vumba matilo lamantshwa, ni misava leyintshwa: timhaka ta khale a ti nga ha tsundzukiwi, ti nga ka ti nga ha tlheleri emiehleketweni.

va nga ha tikarhateli swahava, a va nga ha veleki vana ku va vona va hatla va fa; hikuva va ta va rixaka leri katekisiweke hi Yehovha, kutani vana va vona va ta hanya na vona.

Va nga ka va nga ha aki tindlu, leswaku un'wana a ta tshama kona, va nga ka va nga ha byari leswaku un'wana a ta dya, hikuva masiku ya tiko ra mina ma ta ringana ni masiku ya mirhi, kutani vahlawuriwa va mina va ta tsakela ntirho wa mavoko ya vona

Kona a ku nga ha vi na swihlangi leswi velekiweleke masiku ma nga ri mangani, hambi swikoxa leswi nga hetisiki ntsengo wa masiku ya swona; hikuva u ta fa a ri lontshwa, loyi a nga ta fa a ri ni dzana ra malembe, kambe ndzhukano wu ta wela xidyohi, loko xi ta va ni dzana ra malembe.

“Mhisi ni xinyimpfana swi ta dya swin'we, nghala yi ta dya byanyi tanihi homu; nyoka yi ta dya ntshuri; ku nga ka ku nga endliwi leswo biha, ni leswi onhaka, entshaveni hinkwayo ya mina leyo kwetsima,” ku vula Yehovha.

Kutani ndzi ta titsakela ha Yerusalema, ndzi ta tsaka hikwalaho ka tiko ra mina; kutani ku nga ka ku nga ha twakali rito ra swirilo, hambi ku ri ku huwelela ka ku chava.