Suosittuja jakeita Raamatun kirjasta GENESA 9

Jaa

Kutani Xikwembu xi ku: “Hi wona mfungho wa ntwanano lowu ndzi wu tiyisaka exikarhi ka mina na n'wina, ni nyama yin'wana ni yin'wana leyi hanyaka leyi nga na n'wina, eka mikarhi leyi nga heriki, ndzi ri ndzi ta tlhoma nkwangulatilo wa mina emapapeni, kutani xi ta va xikombiso xa ntwanano lowu nga exikarhi ka mina ni misava.

Nkwangulatilo wu ta va kona epapeni, kutani ndzi ta wu vona, ndzi tsundzuka ntwanano lowu nga riki na ku hela, lowu nga kona exikarhi ka Xikwembu ni leswi hanyaka hinkwaswo swa nyama yin'wana ni yin'wana leyi nga emisaveni.”

Un'wana ni un'wana la nga ta halata ngati ya munhu, ngati ya yena yi ta halatiwa hi munhukulobye; hikuva Xikwembu xi endle munhu hi xifaniso xa xona.

Kutani Xikwembu xi katekisa Nowa ni vana va yena, xi ku eka vona: “Tswalanani, mi andza, mi tata misava.

Hinkwaswo leswi fambaka ni leswi hanyaka swi ta va swakudya swa n'wina, ndzi mi nyikile hinkwaswo kukotisa byanyi.

Swiharhi hinkwaswo swa misava, ni tinyanyana hinkwato ta tilo, swi ta tshuka swi mi chava, ni hinkwaswo leswi kokovaka emisaveni, ni tinhlampfi hinkwato ta lwandle, swi vekiwile emavokweni ya n'wina.

Kambe n'wina, tswalanani mi andza, mi tala ni ku engeteleka emisaveni.”