Suosittuja jakeita Raamatun kirjasta GENESA 8

Jaa

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona. Hi masiku hinkwawo ya misava, ku byala ni ku tshovela, xirhami ni mumu, ximumu ni vuxika, nhlekanhi ni vusiku, swi nga ka swi nga pfumaleki.”

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

Kutani Xikwembu xi tsundzuka Nowa ni swiharhi hinkwaswo, ni swifuwo hinkwaswo leswi ngi swi ri na yena engalaveni; kutani Xikwembu xi hungisa moya emisaveni, kutani mati ma hunguteka.

Kutani tuva ri vuya eka yena nimadyambu, ri tamele enon'wini wa rona tluka lerintshwa ra mutlhwari, hi kona Nowa a tivaka leswaku mati ma hungutekile emisaveni.