Suosittuja jakeita Raamatun kirjasta Samz 139

Mwen ka glowifyéʼw èk wèspé lè mwen wè ki otan bèl ou fè mwen. Mwen konnèt byen tout sa ou fè bèl.

Ègzanminé mwen, Bondyé, èk konnèt tjè mwen! Chaché an lidé mwen èk konnèt sa ki andidanʼy. Gadé si mwen ni pyès movèzté andidan mwen, èk kondwi mwen an chimen-an ki la pou tout tan-an.

Sé ou ki fòmé tout sa ki andidan mwen, ou byen pentwi mwen an bouden manman mwen.

Ou té ja wè mwen avan mwen té fèt. Tan-an ou té ban mwen pou viv-la té ja ékwi an liv ou avan tan sala té koumansé.

Bondyé Senyè, ou ja ègzanminé mwen èk ou konnèt mwen.

Koté mwen sa alé pou lèspwiʼw pa jwenn mwen? Koté mwen sa kouwi pouʼw pa la èk mwen?

Ou konnèt lè mwen asid èk lè mwen lévé, byen lwen koté ou yé-a ou konnèt tout sa ki ka pasé an lidé mwen.

Avan pawòl-la menm sòti an bouch mwen, Bondyé Senyè, ou ja konnèt sa mwen kay di-a.

Ou konnèt tout sa mwen ka fè, ou konnèt lè mwen lévé èk lè mwen kouché.