Suosittuja jakeita Raamatun kirjasta Ex 2

Jaa

'ix yab'n pax yoc' eb', yuj cha, 'ix snan cot strato yet' Abraham, Isaac yet' Jacob. 'Ix yiln Dios syailal eb' israel, yuj wal cha, 'ix 'o'chsc'ojl 'a eb'.

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb'

Ax yic x'el win 'unn chi 'a yim, 'ix 'at ya'noc can 'ix nunb'il chi win 'a 'ix yisl win rey cha. 'Icha wal yune 'ix, 'ixta 'ix yutj 'ix win 'unn cha, Moisés 'ix yac' 'ix sb'ioc, 'ix yaln 'ix 'ixtic: —Yujto a 'a yol a 'ix wijq'uet jun 'unn tic, yuj cha, Moisés tzwac' sb'ioc, xchi 'ix. 'Ix can Moisés chi yet' 'ix 'a yatut.

'ix yaln 'ix yisl win rey chi 'ixtc 'a 'ix: —'Ij 'at jun 'unn tic et'oc, tza q'uib'tzan in c'ana', 'oj ach in tojo', xchi 'ix. Yuj cha, 'ix 'ijx 'at win 'unn chi yuj snun cha, 'ix sq'uib'tzani.

Ax x'aji, 'ix 'emch 'ix yisl win rey chi 'achnc 'a sti a cha. Ya' sb'a ax eb' 'ix ya'mal servil 'ix, tzb'eyc' eb' 'ix 'a sti a'. Ax xyiln 'at 'ix yisl win rey cha, to 'ayc' jun xuc 'a scal nan̈l te b'alal 'a sti a cha, yuj cha, schecn 'at 'ix jun 'ix ya'mal servil cha, sec tz'at yi' cot 'ix jun xuc cha.

A yic te'n xo snab'en Moisés, 'ix 'at b'eyc'oc, x'at yilnc eb' yit chon̈b' 'a 'aj 'ayq'ui, 'ix yilni to caw ya munljel 'aj 'aych eb'. C'uxn wal cha, 'ay jun yit chon̈b' chi wan sma'x yuj jun win 'aj Egipto cha. 'Ix 'ec' q'uel-loc toto may mach tz'ilni, ax xyilni to may mach 'ayc' 'a stz'ey eb' cha, yuj cha, smiln cham Moisés win 'aj Egipto cha, smucn can 'a yaln̈ arena.