Suosittuja jakeita Raamatun kirjasta Lukas 7

Jaa

Awi te Aku hamauh dengam mu: “Aku jadi mangampun kare kasala'ah je are, tuntang te ih sabab'ah iye mamparahan kasih tuntang kahanjakah je hai tutu akang-Ku. Tapi, uluh je cuma manampa kasala isut metuh iampun maka iye isut kea mamasi Aku.” Balalu Yesus hamauh umba bawi jite: “Karen kasalammu jadi iampun.”

Tapi Yesus hamauh umba bawi jite: “Awi iman mu ih je manyalamat ikau tulak ih dengan kasanang.”

Metuh iye jadi sampai hete, balalu mendengih iye intu likut pain Yesus. Iye manangis sampai danum mata'ah mampisa pain Yesus limbas te iye mampuasah dengan balau'ah balalu manyium pain Yesus. Limbas te iye manggosok pain Yesus dengan minyak harum je imbitah.

Tuntang aku kea puna dia patut akan dumah mangguang Ikau. Sebalik'ah, nenga ih perintah bara uka Mu melai atawa bara kanih. Awi Aku katawan bahwa iye tau akan keleh haluli. Aku je mansanan hal jituh awi aku kea uluh je menda parentah uluh je beken tuntang aku tege kea parajurit ku je menda parentah ku kea. Amun aku manyuhu umba ije biti bara ewen: “Tulak ih akan kanih,” balalu iye manumunah kia kilau te kea amun aku manyuhu je beken, Akan hetuh ih, iye pasti dumah. Sama kilau jite kea amun aku mansanan akan pembantu ku, nguanih gawi jituh, iye pasti manguanah. Yesus heran dengan auh pander tentara te. Iye mules nanture uluh are je pahayak Iye tuntang hamauh: “Aku hamauh dengam mu, bahwa uluh je dia Yahudi jituh labih percaya umba Aku bara uras uluh Israel je puji Aku manyundau'ah.”

Intu katika jite Yesus mampakeleh uluh are bara kahaban'ah, kasusah, tuntang mambuhau kawan roh je papa, tuntang Iye manampa are uluh babute tau nanture ndai. Limbah te Yesus hamauh dengan kadue murid Yohanes te: “Wayah tuh haluli ih akan Yohanes, tuntang sananih aka'ah narai je ikau ture tuntang ikau hining ah: Uluh babute tau nanture, uluh je dia tau nanjung tau nanjung, uluh je basamah tau keleh, uluh badengen tau mahining, uluh matei inpelum haluli tuntang akan uluh susah insanan kabar bahalap.