Suosittuja jakeita Raamatun kirjasta Къанун 11

Jaa

Нужерго лъималаздаги малъе гьел: рокъор гӀодор чӀун рукӀагоги, къватӀир сапаралда рукӀагоги, кьижулеб мехалъги, тӀаде рахъулеб мехалъги такрар гьаре гьел.

Дица кьурал амраби рекӀелъги ургьирги цӀуне; ракӀалде щвеялъул гӀаламат хӀисабалда кверда рухье гьел, гьединго надалдаги рухье, кӀочон течӀого рукӀине.

„Жакъа Дица кьурал амрабазухъ нуж кӀвар кьун гӀенеккани, – ракӀ-ракӀалъ, тӀолабго рухӀалдалъун БЕТӀЕРГЬАН Аллагьги хиралъани, Гьесие тӀагӀатги гьабуни, Дица жиндир гӀужда базабила цӀад нужер ракьалде – ихдалилги хасалихълъиялъулги цӀад – ва гьарзаго букӀина нужее бугӀа-ролъги, чагъирги, зайтуналъул нахги.

БЕТӀЕРГЬАН Аллагь хиралъе ва тӀадчӀун тӀуразаре Гьесул къануналги, амрабиги, ахӀкамалги.

Гьале жакъа дица нужее рес кьолеб буго баракат яги нагӀана тӀаса бищизе. Жакъа дица нужее кьурал БЕТӀЕРГЬАН Аллагьасул киналго амрабазухъ гӀенеккани ва гьел тӀуразаруни, нужее баракат букӀина. Амма БЕТӀЕРГЬАН Аллагьасул амрабазухъ гӀенеккичӀони ва, жакъа дица нужеда малъараб Гьесул нухдасаги кьурун, лъазего лъаларел цогидал аллагьзабазда хадур ани, нужее нагӀана букӀине буго.

Дурго рукъалъул нуцӀил рахаздаги шагьаралъул кавабаздаги хъвай гьел. Цинги БЕТӀЕРГЬАНАС нужер умумузе кьелин гьедараб ракьалда нужерги нужер лъималазулги гӀумру халалъила. Ракьалда тӀад зоб бугебгӀан заманалда нужецаги гьениб гӀумру гьабила.

Вореха цӀодорлъи гьабе, нужер ракӀал къосине гурин, ва битӀараб нухдасаги кьурун, чияр аллагьзабазе хъулухъ гьабизе лъугьине гурин!