Suosittuja jakeita Raamatun kirjasta Къанун 10

Jaa

ГӀизраилил халкъ! Дур БЕТӀЕРГЬАН Аллагьас щиб дудаса тӀалаб гьабулеб бугеб? Гьес тӀалаб гьабулеб буго: мун БЕТӀЕРГЬАН Аллагьасукьа хӀинкъи, Гьесул нухда битӀун хьвади, Гьев дуе хиралъи, Гьесие дуца ракӀ-ракӀалъго, тӀолабго рухӀалдалъун ва къуват-жаналдалъун тӀагӀат-гӀибадат гьаби ва, дуего лъикӀ букӀиналъе гӀоло, жакъа дица кьурал Гьесул амрабиги къануналги дуца цӀуни.

Щайгурелъул нужер БЕТӀЕРГЬАН Аллагь вугелъул аллагьзабазулги Аллагь, бетӀергьанзабазулги БетӀергьан – хӀалкӀолъи цӀикӀкӀарав, къудратав, хӀинкъун рухӀ босизабулев, гьурмахъ-цӀарухъ балагьуларев, ришват босуларев!

Нужерго ракӀал тӀерен гьаре ва малъараб босуларел согӀал чагӀилъун рукӀунге.

Бесдалазеги къоролзабазеги хӀалае вахъуна Гьев, апарагзаби рокьула Гьесие ва гьезие квенги ретӀелги кьола.

ЦохӀо Гьесие гьабизе ккола дуца рецц! Гьев вуго дур Аллагь! Гьес дуе гӀоло кӀудиял ва хӀинкъарал хӀалкӀолъаби гьаруна ва гьеб кинабго дур беразда бихьана.

Дурго БЕТӀЕРГЬАН Аллагьасукьа хӀинкъа, Гьесие тӀагӀат гьабе, Гьесие ритӀухълъи цӀуне ва, гьа балаго, Гьесул цӀаралдалъун гурони гьедуге.

Дур БЕТӀЕРГЬАН Аллагьасул ккола зобалги, зобалазул зобалги, гьаб дунялги, дунялалда бугебщинабги.

Гьединлъидал нужееги рокьа чияр ракьалдаса рачӀарал чагӀи, Мисриялда нужгоги рукӀиндал чияр ракьалдаса рачӀараллъун.