Suosittuja jakeita Raamatun kirjasta Ukunukuo 9

Jaa

Anaantu vangëja nënaa vëgasagha nënaa vinauraghwa na mavëë asaa, vinikengeya na uyareka asaa nënaa vëuyatendaa gwa mëkhono awe aghonjo; ëgweeso vëgafwaghëëra ukürya vinyonyinyonyi, arungu va sahabu, hela, saba, magwe nanë mëtë, mantu nëëtiudaha goona, utëgheeya mbesa gwenenda. Mbesa vinafea na ureka wuraghi, uroghi, ulehadi nane wivi.

Nkümbë yigadua mu yuki rasëë igëngëa muurëmi igafewa nguu mwino ya nkumë. Ëgaraghëëywa ëtaruvange mahwa a mung'ë, mbesa matutu mbesa mëtë gëkaku, ëgweeso yivaruvange vasaa gutufu në vinarëghwa mutojo wa Muungu mu masyu awe.

Kangë malaëka wa gatano agafemba ufembe wakwe. Nëenoo nëgaona njota nënaagwaa gunto ang'ë ufuma girunde. Mweesonoo malaëka agafewa irughwëëro ra ikhombo ra gwarungu.

Nkumbë isii yinarekewa uvauragha antu, gweeso uvakhasya gutufu gwa itungo ra mëeri ëtano. Uvavi nëayiuweta wë mwino uvavi nëugumuhangaa muntu itungo nëwarumwaa na nkumë.

Kangë yina mutëmi nëuyibalete, mweeso unë malaëka wa gwarungu; rina rakwe gwa Giebrania në Abadoni na gwa Gëgiriki në Afolioni, unë Muraghi.