Suosittuja jakeita Raamatun kirjasta Ukunukuo 8

Jaa

Mwankhoo nënaa wawuunanga mühüri wa mufungatë, ng'ë ëgatua twë girunde gwa itungo në ikufë nanguu.

Malaëka wa mwandyo agafemba ufëmbe wakwe. Muhangënkhano wa mbura a magwe nane moto, itambëëmwe nanë saghami, ugahunuwa gunto a ng'ë. Theluthi ëmwedu ng'ë ëgarungwëëra, theluthi ëmwedu a mëtë ëgarungwëëra, nanë mahwa oong'e në matotu ëgarungwëëra.

Kangë nëgararaava, nëgategheeya nümba ërumie gunto nanguu ëguhanya gwa ruri üküü, “Hehëë, hëhëë, hëhëë gwa anyauduva muurëmi itungo në vamalaëka vatatu këë vinafemba mpembe yawe.”

Malaëka wa gavëë agafëmba ufëmbe wakwe. Gëntu mwino gëtanto gëkuu gëakie moto gëgajughutwa girambo. Thëluthi ëmwedu a irambo ëgatënda saghami

Kangë malaëka wa gatatu agafëmba ufembe wakwe. Njota nküü mwino irurë ra moto ëgagwa ufuma girunde, na ëgasima gunto a theluthi ëmwedu a mayongo nanë mërihe a majë. (Njota ësëë ëgutanwaa “Ulülü.”) Uvii, theluthi ëmwedu a majë ëgatendeka malülü; antu vingë vëgakuya ufuma na majë asaa, gusoko ëgakhanëkëka atenda malülü.

Kangë malaëka wa gane agafemba ufembe wakwe. Faafo theluthi ëmwedu a yuva, a mweri nanë njota ëgatumuka; nanë weru ugayaghaya theluthi ëmwedu a weru wakwe. Theluthi ëmwedu a mumwë ëgawuria weru, viuyi viuyi theluthi ëmwedu a utiku.