Suosittuja jakeita Raamatun kirjasta 1 Yohana 3

Jaa

Ang'ënya në anyui, sese gutayanje gwa ukhani na gwa murighëëtyo ëgweeso mung'ë a ntendo nanë tutë.

Gwa ërëë sese gumanyie uyanjo, gusoko mweeso agafunya ufanga wakwe gusoko itu. Na sese igunoneye gufunye ufanga witu gusoko a aruna vitu.

Raravi unë uyanjokë në Tata wendie uguyanja sese, uvii sese gwinjë utaanwa vana va Muungu. Ti gutufu gutaanwa, sese tutë gwë vana vakwe. Gusoko ëyëë urëmi utigumanyie sese, gusoko weeso noo utimumanyie mweeso.

Mweeso unë ugutendaa mahutye në wamwa Ibilisi. Gusoko Ibilisi wahutiye ufuma mwandyo. Soko nëamutendie Mwana wa Muungu adwëëre arë uruvanga mëëmo amwa Ibilisi.

Gutie muntu nëwafafiwe na Muungu nëugetendaa mahutye, gusoko ntundo a Muungu ëgikhaa mukhatë akwe. Na mweeso atiutendaa mahutye gusoko mweeso wafafiwe na Muungu.

Ëgweeso nësa muntu gëkaku ukweti ughwarë wa mu urëmi na wamwona muuna akwe ugufenja, kë mweeso atiumwonea uvavi, wurë, uyanjo wa Muungu winjë gikhaa mukhatë akwe?

Voong'e në vëkwatëëre maraghëëyo akwe vëgikhaa mukhatë akwe, na mweeso noo mukhatë awe. Na gwa ërëë sese gumanyie mwino mweeso ugikhaa mukhatë itu, gwa njëa a Mwahu Mweru në mweeso wagufee sese.

Gwa ërëë ëdahëte umanyëka vaa anyu në vana va Muungu, na vaanyu në vana vamwa Ibilisi. Muntu woong'e nëatiutendaa në atutë ti wa Muungu, mbesa mweeso nëatimuyanjëte muunakwe.

Gusoko ëyë unë sayu në nyenye mwamëtegheeye ufuma mwandyo, mwino sese gufenjiwa gwiyanje mu muntu na muuyakwe.

Mutatake, aruna ane, në urëmi ugumuhura nyenye.