Suosittuja jakeita Raamatun kirjasta 1 Yohana 2

Jaa

Mutawuyanjee urëmi nanguu mba mantu ayo ukëra uyanja mantu a Muungu. Nësa muntu gëkaku wawuyanja urëmi, mweeso atiudaha umuyanja Muungu. Gusoko mantu oong'e nëërëfo mu urëmi, nkumbu ya mwëërë, nkumbu ya miho, nanë gëdida ga ufanga gëtifumie kunë tata, ëgweeso ifumie mu urëmi.

Urëmi ugukëra itambëëmwe na nkumbu yayo; ëgweeso unë ugutendaa mafenji a Muungu uguduvaa khae na khae.

Mweeso unë uguhanyaa uduvie mukhatë akwe unoneye utenda viuyi viuyi mwino mweeso watendie.

Anaane, ngumwandëkëa ërëë kunë nyenye gusoko nyenye mweke utenda mahutye. Ëgweeso nësa muntu gëkaku watenda ihutye, sese gukweti murombei kunë tata Yesu Kiristo, në wa tutë

Mweeso në uguhanya, “Nene nëmumanyie mweeso” ëgweeso atiutenda në mweeso uguraghëëya në mwegheeghe, na tutë ëtifo mukhatë akwe.

Në itungo ërëë gutufu në sese gwinjë gutenda në Muungu uguguraghëëya uvii sese gudaha uraghëëra mwino sese gumumanyie mweeso.

Mweeso unë uguhanyaa uduvie mu weru na kunu umuhwëte muuya këë wë mu kiti ëkëëko nënaa ga mwandyo.

Anyu në mwegheeghe ëgweeso në wasuu në gukhana mwino Yesu unë Kiristo? Wasuu në ugumukhana Tata nanë Mwana në mufëngi wamwa Kiristo.

Gutie muntu mba umwe nëugumukhana Mwana nëugutenda wina ukhuvëi vina Tata. Wasuu unë ugumukumwua Mwana wina ukhuvëi vina Tata noo.