1
रोमी 6:23
मध्य पुरविया थारू
MTHB
कथिलेत पाप करैबलाके बैन मिरतु चियै, महज फोक्टेमे देल परमेस्वरके बरदान त अनन्त जिबन चियै जे अपनासबके परभु येसु खिरिस्टमे देनेछै।
Vertaa
Tutki रोमी 6:23
2
रोमी 6:14
पाप तोरासबमे अधिन नै करे, कथिलेकी तुसब बेबस्थाके अधिनमे नै, महज परमेस्वरके अनुगरहमे बचल चिही।
Tutki रोमी 6:14
3
रोमी 6:4
ओहैसे अपनासब सेहो ओकरसङे बप्तिस्मा दुवारा मैरके गारलगेलियै। जहिनङ सक्तिसाली परमेस्वर पिता आपन महिमा दुवारा येसु खिरिस्टके मरलसे जिबित करल्कै। आब अपनोसब पुरन्का जिबन जियैले छोइरके लया जिबनमे खिरिस्टसङे जिएपरतौ।
Tutki रोमी 6:4
4
रोमी 6:13
आपन देहके अंगसबके दुस्टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्वरमे सोप आ परमेस्वरके असल कामके लेल आपन देहके अङसबके सोप।
Tutki रोमी 6:13
5
रोमी 6:6
हमसब यि जानैचियै कि अपनासबके पुरन्का स्वभाब ओकरसङे कुरूसमे टाङलगेलछै, ताकि अपनासबके पापी स्वभाब नास हेबे आ आबसे पापके दास नै हेबी।
Tutki रोमी 6:6
6
रोमी 6:11
तहिनङ कैरके तुहुसब आपन-आपन पापके खातिर मरल महज येसु खिरिस्टसङे परमेस्वरके लेल जिबित भेल समझ।
Tutki रोमी 6:11
7
रोमी 6:1-2
परमेस्वर अपनासबके पापसब छमा करैछै आ अपनासबके उपर अनुगरह देखाबैछै। तैल्याके अपनासब पाप कैरते रह कहबै त? अहँ, ओनङ करनाइ ठिक नै छै। पापेके खातिर अपनासब मरल चियै, तब कनङके पाप करैत जियैले सक्बै?
Tutki रोमी 6:1-2
8
रोमी 6:16
तुसब जकर आग्यापालन करैचिही ओकर दास हैचिही से तोरासबके थाह छौ। तुसब पापके दास भ्याके ओकर आग्यापालन करबिही त मरबिही, महज परमेस्वरके आग्यापालन करबिही त, तुसब ओकर अगा धरमी ठहरबिही।
Tutki रोमी 6:16
9
रोमी 6:17-18
परमेस्वरके धन्यबाद हेबे, तुसब एकचोटी पापके दास छेल्ही महज तुसब अखुन आपन परमेस्वरसे सिखाल सिक्छा हिरदयसे पालन करैचिही। तुसब पापसे छुटकारा पाइबके असल काम करैबला परमेस्वरके दास भेलचिही।
Tutki रोमी 6:17-18