Suosittuja jakeita Raamatun kirjasta मती 26

Jaa

जागल रह आ जाँचमे नै परे खातिर तुसब परथना करैतरह। आत्‍मा त साँचोके तयार छै महज देह दुरबल छै।”

तब उ ओइसबके कहल्‍कै, “हमर मन पिरासे ब्‍याकुल भ्‍याके करेजा फाटेलागल जखा करैये। तुसब अते रैहके हमरसङे जागल रह।”

उ कन्‍हिक अगा बैढके भुइयामे मुरी गोइतके अनङ कैहके परथना करेलाग्‍लै, “हे हमर पिता, यदि भ्‍यासकैछै त यि दुखके बाटी हमरासे हटा दिय, महज तैयो हमर इक्‍छा बमौजी नै, बल्‍की अहिके इक्‍छा बमौजी हेबे।”

यि परमेस्‍वर आ लोकसबके बिचमे समबन्‍ध अस्‍थापित करैबला लया करारके हमर लहु चियै, जे बहुतो लोकसबके पापसे छमा पाबैके लेल बह्‍याल ज्‍यारहलछै।

उसब भोज खाइते खिना येसु रोटी लेल्‍कै आ परमेस्‍वरके धन्‍यबाद देल्‍कै। उ रोटीके तोइरके चेलासबके देल्‍कै आ कहल्‍कै, “ले आ खो यि हमर देह चियौ।”

तकरबाद उ बाटी लेल्‍कै आ धन्‍यबाद द्‍याके चेलासबके दैत कहल्‍कै, “तुहे सबगोरा एहि मेसे पि।

तकरबाद येसु आपन तिनु चेलासबलग एलै। उ ओइसबके सुतल देखके पतरुसके पुछल्‍कै, “कि तोरासबके एको घन्‍टा हमरसङे जागल रहैले पार नै लाग्‍लौ?

हम तोरासबके कहैचियौ जाबेतक परमेस्‍वरके राजमे हम नै एबै ताबेतक लबका अङगुरके मध नै पिबौ।”

तब येसुके कहल बात पतरुसके याद परलै, “मुरगा डाँक दैसे पहिने तु हमरा तिन बेर इन्‍कार करबिही।” तब पतरुस बाहर निकैलके हेकैच-हेकैचके काने लाग्‍लै।

आब उठ, ज्‍याके देख्‍ही त! हमरा धोखा द्‍याके पकराबैबला आइबगेलछौ।”

तब येसु ओकरा कहल्‍कै, “तोहर तलबार मियानमे राख। जे तलबार उठाबैछै से कोइ तलबारेसे मारल जाइछै।”