Suosittuja jakeita Raamatun kirjasta युहन्‍ना 16

Jaa

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सनसारमे तोरासबके सङकट हेतौ, महज साहस कर, हम सनसारके जितलेने चियै।”

महज सतके आत्‍मा जब एतौ तब उ तोरासबके सब बातसब बुझाइतौ। उ आपने दिसनसे बात नै करतौ महज उ जे सुन्‍तौ, ओह्‍या तोरासबके कहतौ तब पाछे हैबला बातसब सोहो कहतौ।

अखुनोतक तुसब हमर नाममे कुछो नै माङनेचिही। माङ त तुसब पाबबिही आ तहैसे तोरासबके आनन्‍द पुरा हेतौ।

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदि हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ। जब उ एतौ त सनसारके लोकसबके पाप, धारमिक्‍ता आ परमेस्‍वरके नियायके बिसयमे कैरते आइबरहल भुलसब देखाइतौ

अहिनङे अखुन तुसब सोक करबिही, महज हम फेनो तोरासबके भेटैले एबौ त तोरासबके हिरदय खुसिसे भरतौ। तब कोइ नै तोरासबके खुसी तोरासबसे छिन्‍तौ। ओइ दिन तुसब हमरा कुछो नै पुछबिही। हम साँचोके कहैचियौ, तुसब हमर नाममे पितासङे जे माङबिही, से उ तोरासबके देतौ।

साँचोके हम तोरासबके कहैचियौ, तुसब कानबिही आ खिजबिही, महज सनसार खुसी हेतौ। तुसब दुखमे परबिही, महज तोरासबके दुख, खुसी आ आनन्‍दमे बदैल जेतौ।