Suosittuja jakeita Raamatun kirjasta متى 26

Jaa

إِڒِيم عْلَابَال ࢲَّادْجم حمَا وَار تِيذْفم شَا ذِي ڒمْحَاين. ؤُڒ ن بْنَاذم يوْجذ وَلَكِن دَّات نّس ثضْعف."

ينَّا-ٱسن: "ڒَعْمَر ينُو عْڒَاين اَذ يدُّوْقّز س لْحُزن. قِّيمم ذَا ثْفَاقم اَكِذِي."

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

ڒْكَاس-أَ ذَايس يذَامّن ن ڒْعَهذ، يعْنِي ذ يذَامّن ينُو إِي غَا يَازّْڒن عْلَاحْسَاب اَطَّاس ن يِوْذَان حمَا اَذَاسن يغْفَر أَربِّـي ڒْمُعْصِيَاث نْسن.

وَامِي عَاذ تتّن، ئِيْسِي-د اَغْرُوْم يشكَّر أَربِّـي يرْزَا اَغْرُوْم نِّي يُوْشَا-ٱسن-ث إِ يمحْضَارن نّس ينَّا-ٱسن: "يْسِيم-ث شّم-ث، وَا إِݣ يدْجَان ذ دَّات ينُو."

ييْسِي-د ڒْكَاس يشكَّر أَربِّـي يُوْشَا-ٱسن-ث. ينَّا-ٱسن: "سْوم زَّايس مَارَّا إِذْوم.

ئِذْوڒ غَار يمحْضَارن-أَ يُوْفِي-ثن طّْصن، ينَّا-ٱس إِ بُطْرُس: "مَا وَار ثْزمَّرم شَا اَكِذِي ثْفَاقم وَاخَّا ذ يجّن ن ثْسَعَّات وَاهَا؟

أَقَا قَّارغ-اَوم: زِي سَّا اَڒ ثْسَاونْت وَار سسّغ شَا زݣ وَامَان-أَ ن وضِيڒ حتَّا اَڒ نْهَار نِّي إِي ثن غَا سْوغ اَكِذْوم زِي جْذِيذ ذِي ڒْمُلْك ن بَابَا."

ذِنِّي يفكَّر-د بُطْرُس اَوَاڒ نِّي ن عِيْسَى وَامِي ذَاس ينَّا: قْبڒ مَا ٱذ يدّن ويَازِيض اَتَاف اَذَايِي ثنْكَرذ ثْڒَاثَا ن ثْوَاڒَاثِين. ئِفّغ غَار بَارَّا يرُو يمطَّاون ذ يمدْجَاحن اَطَّاس.

كَّرم أَ نُوْيُوْرم، قَا ونِّي إِي ذَايِي غَا يزّنْزن اَقَاث يُوْسَا-د."

ينَّا-ٱس عِيْسَى: "أَرّ سِّيف نّش غَار ومْشَان نّس، ڒَاحقَّاش مَارَّا يِنِّي يكسِّين سِّيف تْمتَّان س سِّيف.