Suosittuja jakeita Raamatun kirjasta Matye 26

Jaa

Ki n yɛlɛ ye kòro nyɛ̀nɛ na yáā nyɛ́ɛri koro ga pye yarigaa a kɔ́ yele kárima bi lége kapeele ni í. Ki láagi i nyɛ syɔɔn pili na, kàjáa wi céri fànʔa n cɛ́rɛ.»

A wi be pye: «Mii fúngi n curugo mii na gbanʔama, fwɔɔ n baa nan kùúw na, ye kòro nɛɛ naa, yé pye nyɛ̀nɛ na ní mii ní.»

A wi ga sɛ̀ʔɛrɛ yɛʔɛ̀ ma cɛɛri, a wi too n wi yɛ́ɛgi cíbele ní i nyɛ́ɛri níì jo: «Mii Tóow, kapye ki a gbǎn kpéʔele, ki n yɛlɛ yagbaagi naa í léeli mii na! Kàjáa ki ga yɛlɛ mii nyɛ́nɛ kéeli í kpéʔele í, fwɔɔ mɔ nyɛ́nɛ wóli.»

Níì cán wee naa wi nyɛ mii sìsyaanw, joogaanni sìsyaan, wee wi wo lè syɛ̀ɛnnɛ saʔa kapeegéle kusulugo kéele na.

Lǎli ni be pye lè lìíli na, a Zyezu búruw láa níì bariga kaan Kolocɔlɔɔ ma níì wi kabagi n lɛɛ pìitamabèle na níì jo: «Ye wi syɔɔ ye lìi. Wee naa wi nyɛ mii céri.»

Koro kàdoʔo ma a wi yagbaala láa níì bariga kaan Kolocɔlɔɔ ma níì li kaan be ma níì jo: «Ye myɛ ye gbaa li ni.

A wi ga lúru n pan pìitamabèle ma, a wi baa be nyaa pe i ŋúnɔ. A wi Pyɛri pye: «Alí yele ga gbàn lé n kòro nyɛ̀nɛ na ní mii ní bi lɛ́ɛri nibin kwɔ́ɔ í?

Mii a gi joo yele ma kányɛʔɛ ni, nlaʔa níjanʔa na mii a ní ɛrɛzɛn tírire yasanra lógi naa kàa gbaa nyáana í, bi taa cángi í ba nan gee ni mii a ní gi gbaa lè ní yele ní kavɔn mii Tóow fànʔa ni.»

A Pyɛri Zyezu syɛ́ɛnri sɔ̀ngi n taa dee wi da joo woro ma lè níì jo: «Sáni gòpɔ́w í nyɛni lè, mɔ a mii cée tɔlɔyɔ taanri.» A wi yiri kàfugi na n sa ni nyaan gbanʔama.

Ye yìri wo kári. Ye wéle, wee wi a mii le lè be kɔ́yi ni, woro wi nan n kwɔ́ɔ wee.»

A Zyezu wi yari: «Mi mɔ ŋɔséew lúrugo mi le kpàfogi ni. Níì cán bele myɛ be ŋɔséebèle lée lè, pe a wɔ́ɔ bele bee kpóo ní ŋɔséebéle ní.