Suosittuja jakeita Raamatun kirjasta Luki 7

Jaa

Gee bee na mii a gi joo mɔ ma, wee naa tàmaga n kpɔ́ʔɔ wi kapeenɛʔɛgèle kùsulugo syɔɔlɔ báriga ni. Kàjáa syɔ́ɔnwee má kapeegèlē cɛɛri kusulugo syɔɔ lè, wee bee tàmaga n cɛ́rɛ.» Koro kàdoʔo ma a wi céw pye: «Mɔ kapeegèle kùsulugo n syɔɔ.»

A wi si céw pye: «Mɔ tágali n mɔ syɔɔ, da syée fûnnyinge na.»

A wi sáà yére Zyezu tɔ́lɔyi taana ní i nyaan, níì nyatinmi yaʔa pi i ŋuu wi tɔ́lɔyi na, ní i yi kurugu ní wi ǹjoori ní, ní i wi tɔ́lɔyi syɔɔnri syɔɔnri, ní i nùndaanni bee sìnmɛ ŋuu yi na.

Gee bee na mii ga niyɛɛ jóro yafyɛn bi nùuni woro na í. Kàjáa wi syɛɛnkanga nibin joo, mii falipyew a pɔʔɔ. Níì cán pèle i mii tiimaa kàragí, mii si wɔ́ɔ i sùlasiibèle pèle kàragí. Mii ga wee pye: ‹Da syée!› Wi n ni syée. Níì wàa nikwɔɔ pye: ‹Da maa!›Wi n ni maa. Mii ga wɔ́ɔ̀ mii falipyew pye: ‹Gee kpéʔele!› Wi n ni gi kpéʔele.» A Zyezu ga syɛ́ɛnri bee lóʔo, a wi i káama wi na, syɛ́ɛnmi pi da taʔa wi na lè, a wi fíige ni bi wéle, níì bi pye: «Mii a gi joo yele ma, mii ga kɔ́ɔ̀ tágali naa félege nyaa Isirayɛli ye wówaa ma í.»

Lǎli bee wonijanna ni a Zyezu syɛ̀ɛnnɛ saʔa yáama ní pe wɔʔɔyi láʔa be na, níì màdebèle nɛnɛ n yirige syɛ̀ɛnnɛ saʔa ni, níì fúunbéle saʔa paʔala, níì Zyan tundunbèle yari: «Gee yele nyaa lè ní gee yele lóʔo lè, yaa syée ye sa gee bee joo Zyan ma yé wi pye: ‹Fúunbèle i nyaagi, syɛɛnmɔngɔbèle si i táanri, yaanyɛɛnmi fɔ̀ɔlɔ si wɔ́ɔ i poori. Dùnɔbèle si i lúro, kúbèle si wɔ́ɔ i nyángi, foomɔfɔbèle si i Syɛɛnjóocǎnri lúro.