Suosittuja jakeita Raamatun kirjasta Kutoma 37

Jaa

Mosiku unango Yosefe adalota, natenepo pidapilonga iye kuna abale ache, iwo ndiye adanyanyiratu kumzonda.

Yakobo akhamfuna pyakwanga Yosefe kupiringana anache onsene, thangwi iye adabalwa mwenemo Yakobo akalamba kale. Tenepo iye adamsasanyira mkhanjo wakulapha wakukhala na mikono.

Pidaona abale ache kuti babawo akhamfuna pyakwanga Yosefe kupiringana iwo onsene, adamzonda mwakuti iwo hakhalongave naye mafala adidi tayu.

Kubuluka penepo Yosefe adalota pontho ndoto zinango mbaapanga abale ache mbati, “Ine ndalota ndoto zinango. Ndidaona dzuwa, mwezi na nyenyezi khumi na ibodzi zikundilambira.”

Abale ache adaipirwa naye, mbwenye babache adakoya pyonsenepi mumtima mwache.

Iye adalonga kuna iwo mbati, “Ngavani ndoto zalota ine mosikuzi. Tonsene tikhali m'munda kumanga misumbu yathu ya tirigu. Mwakututumusa mtolo wanga udaimira dzololo, mbwenye misumbu yanu idadza mbizungulira msumbu wanga mbaulambira.”

Tendeni timphe, mtembo wache tiuponye mumchera ubodzi wakusowa madzi. Tinakwanisa kalonga kuti adyiwa na pirombo pyam'tsanga. Tenepo tinati tione pinafuna chita ndoto zache.”

Tenepo pidadza anyamalonda a Chimidiani chifupi, abale ache adambulusira Yosefe kunja kwa mchera mbamgulisa na kobiri zasiliva zakukwana makumawiri kuna Aishimaele. Iwo adamkwata mbaenda naye ku Iguputo.

Iwo adalonga kuna unango na mwanzache mbati, “Nyandoto ule uyo anadzayo.

Abale ache adamuona na pakansinzo akudza, tenepo iye mbadzati fika, iwo adaverana pyakumpha.

Lekani chuchisa chiropa chache, mbwenye mponyeni kwene muchera m'thando yatchetcha muno mbamukhonda kumkuwaza.” Iye adalonga penepi na manyerezero akufuna kupulumusa Yosefe m'manja mwawo na kumbwezera kuna babache.