Suosittuja jakeita Raamatun kirjasta THAMA 2

Jaa

Nake Ngai akĩigua mũcayo wao, agĩkĩririkana kĩrĩkanĩro kĩrĩa aarĩkanĩire na Iburahimu, o na Isaaka, o na Jakubu. Nake Ngai akĩbara ciana cia Isiraeli, agĩitĩka kũrũmbũiya ũhoro wacio.

NA GŨGĨKINYA atĩrĩ, atĩ matukũ maingĩ maathira, mũthamaki wa Misiri agĩkua, o nacio ciana cia Isiraeli igĩcaya nĩ ũndũ wa ũkombo, nacio ikarĩraga, nakĩo kĩrĩro gĩacio gĩkĩiguwo nĩ Ngai nĩ ũndũ wa ũkombo ũcio.

Nako kaana kau gagĩkũra, agĩcoka agĩgatwara kũrĩ mwarĩ wa Firauni, gagĩgĩtuĩka mũrũwe. Nake agĩgatua Musa, akiuga atĩrĩ, Nĩ ũndũ ndakarutire maĩ-inĩ.

Nake mwarĩ wa Firauni akĩmwĩra atĩrĩ, Oya kaana gaka, ũthiĩ nako ũkanyongithĩrie, na nĩndĩrĩkũheaga mũcara. Nake mũtumia ũcio akĩoya kaana kau, agĩgĩcoka gũkongithagia.

Na rĩrĩ, mwarĩ wa Firauni agĩikũrũka nĩguo agethambe rũũĩ, nacio ndungata ciake cia airĩtu igĩcangacanga kũu hũgũrũrũ-inĩ cia rũũĩ; nake akĩona gathandũkũ kau ithanjĩ-inĩ thĩinĩ, akĩrekia mũirĩtu ũrĩa wamũtungataga, akĩmwĩra akagĩre.

Na gũgĩkinya atĩrĩ, atĩ matukũ macio, hĩndĩ ĩrĩa Musa aakorirũo atuĩkĩte mũndũ mũgima, akiumagara agĩthiĩ kũrora andũ a rũrĩrĩ rũao, akĩona mĩrigo ĩrĩa maatitikithagio, ningĩ akĩona Mũmisiri akĩringa Mũhibirania, mũndũ wa rũrĩrĩ rũu rũao. Nake agĩcũthĩrĩria mwena ũyũ, o na ũyũ ũngĩ, na rĩrĩa onire atĩ hatirĩ mũndũ wĩ hakuhĩ akĩringa Mũmisiri ũcio akĩmũũraga, agĩcoka akĩmuumbĩka mũthanga-inĩ.