Suosittuja jakeita Raamatun kirjasta Ŋilep. 26

Jaa

Ikirukori ayoŋ kaapei ka iyes, aruwor Akuj kus, iruworosi iyes ŋituŋa kaŋ.

akainakini ayoŋ iyes akiru anapakio aŋuna emaikina toyakaunor, ido tora akwap ŋaraito keŋ, toraa ŋikito ŋaraito kec.

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Eketodikini ayoŋ iyes arimao kaŋ, ido eketipituni iyes eataki ekimar kus, erici ayoŋ acamunet kaŋ ka iyes.

Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Ewuakini ayoŋ akibois kaŋ ŋina eboiyo kidiŋ kus, ido nyakaŋeri ayoŋ iyes.

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Irubakinete iyes imujete akimuj ŋina ke ekaru a ŋolo alunyar akitodol ŋina ilemaryata aneni iŋadatae, ido kilunyokis nen ŋina kitete.

Irisete ŋikan bon alokidiŋ kus ŋimoe amiat, ido irisete amiat alokidiŋ kus ŋimoe ŋalipyo ŋatomon, ido imunyarete iyes ikes alokiŋaren kus.

Irubakinete iyes iramete ŋikinyom kus akitodol ŋina ilemyata epiini, ido irubakinete iyes ilemete epiini akitodol apaki ŋina itakiniata, imujete iyes akimuj daadaŋ ŋina icamito, ido iboiyete anakwap kus emam ŋace.

Iwuapete iyes ŋimoe kus, tomunyasi alokiŋaren kus.

Totamunito akoloŋit kaŋ ŋina a Sabato, ido kitopoloorito akibois kaŋ ŋina asegan. Arae ayoŋ Ekapolon.