Suosittuja jakeita Raamatun kirjasta Yowannisi 14

Jaa

Diggoon ittoshich wojjaabeeto taane; ta diggoon ittoshich immaabeeto taane. Hini ittoshich ta immaabeeti diggoo alemo immii beetoommo toonoone. Ittoshi mullo keqqaaye, shatishoo gettaaye.

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yesuusi daakkiꞌi bi dabbeenaꞌoyich ishichiye: “Ayini xuuxeyaahote; ittoshi mulloon Yeeri toommooch tooꞌiibote; wotta ta toommoochoo tooꞌiibote.

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Tawoo Nihoo Yeerin qollemmo taane; bulli yemeenoon ittoshina tookki bi beeyemmoyich, bare Kupphiyechon ittoshich deejjemmone. Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.

Bi Bushoo tawoo, Nihoo Yeerichi oogee yiiroon asheenaꞌoyich ta bekkiyemmoyich, ta shigoona ittoshi qolleebeeto bullin tuniyemmo taane. Amoonolla ta shigoona ittoshi qollegaata, tuniyemmo taane” iye.

“Taan shunniibeeto ittoshi tunegaata, ‘Tuniibote’ iyaꞌa ta getteton ceechemmo ittoshine.

Ta Nihoo kexooch wodde beeyi xaaꞌoo beetone. Ebi toonee gaata, ittoshich gettesho taane. Ta hammaabeeto ittoshich xaaꞌoon qanniyoyichiye.

Hammaꞌa xaaꞌoon ittoshich ta qanniitoyee gubb, ta beetooch ittoshi tunemmoyich wotteree waa ta waan ittoshin daammemmo taane.

Aroochee Toomaasi “Ta Doonocho, ne hammaabeeti xaaꞌoon ariyaano noone; aabichiree gommon ariyehone?” iye.