Suosittuja jakeita Raamatun kirjasta Eshaiah 42

Jaa

Myfi IEHOFAH a’th elwais mewn cyfiawnder, Ac ymaflaf yn dy law, ac y ’th gadwaf, A rhoddaf di yn gyfammod y bobl, ac yn oleuni y cenhedloedd: I agoryd llygaid y deillion, Ac i ddwyn allan o garchar y rhai mewn rhwymau, Ac allan o dŷ ’r geol y rhai a eisteddant mewn tywyllwch.

Myfi IEHOFAH, hwn (yw) Fy enw; A’m gogoniant i arall nis rhoddaf, Na ’m mawl i ddelwau cerfiedig.

Wele Fy ngwas, cynhaliaf ef: Fy etholedig, ynddo yr ymhyfrydodd Fy enaid; Rhoddais Fy yspryd arno, Barn i’r cenhedloedd a ddwg efe allan

Corsen ysig ni ddryllia efe, A llîn egwan (lamp) ni ddiffydd; Mewn gwirionedd y dwg efe allan farn. Ni phalla ac ni ddryllir ef Hyd oni osodo ar y ddaear farn, Ac am ei gyfraith ef y bo’r tiroedd pell yn disgwyl.

Gwnaf i’r deillion fyned ar hŷd ffordd nad adnabuant, Ac ar hŷd lwybrau nad adnabuant Mi a wnaf iddynt dramwy, Gwnaf dywyllwch o’u blaen hwynt yn oleuni, A’r ffyrdd ceimion yn uniawn: Hyn yw’r pethau a’r a wnaf iddynt, ac ni adawaf hwynt.

Y (prophwydoliaethau) o’r blaen, wele, hwy a ddaethant i ben, A phethau newydd (wele) Myfi yn eu mynegi, Cyn iddynt dorri allan yr wyf yn eu hadrodd i chwi.