Suosittuja jakeita Raamatun kirjasta Ma̱te̱yo̱ 25

Jaa

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Eci e̱e̱ti̱ ci anyak gi̱i̱ imma, anyonik atin nonno cik meelek, kar atin enne kanyak cik meelek. Imma e̱e̱ti̱ ci iróng anyak gi̱i̱ imma, a̱gga̱mnya̱i̱ atin ci anyak enne cidici ko̱ bu̱k.

“I̱yo̱ko̱ zin, e̱re̱yyo̱ ju̱rru̱m, eci niga iróng a̱gga̱yyu̱ i̱i̱te̱n icima i̱i̱ ci okko Ngerrti E̱e̱to̱ obodak lo̱o̱c.”

Eci ba̱li̱ye̱ adaka magiz, kar zin niga aanycang da̱i̱ne̱t. A̱ru̱ka̱ ba̱li̱ye̱ koor, kar zin niga aanycang maam. Ke̱e̱ni̱ ba̱li̱ye̱ e̱re̱nno̱i̱t o̱rge̱ cunno̱ng kar zin niga aanycang nginti kabaheke onyit lo̱o̱c.

“Ize zin ddi̱ki̱ryo̱i̱ti̱ ne, ‘Abunna oroot, du̱ca̱i̱t cinanni abunna kar kalal zinin. Alali i̱nne̱t zinin ngati a̱gga̱me̱ lodet cikidik, i̱yo̱ko̱ zin kaanyi ize ddi̱ki̱ryo̱i̱t ci abali kaal cik meelek. I̱jja̱ zin kozolit talninet ki ddi̱ki̱ryo̱i̱t cunne nga̱to̱de̱!’

I̱llo̱i̱ annit ba̱li̱ye̱ ru̱u̱ma̱ni̱, aanycang zin niga annit ru̱u̱ma̱ni̱. Komori ba̱li̱ye̱, i̱ti̱ri̱za̱ng zin niga annita. Kaave ba̱li̱ye̱ lagama, kar zin niga a̱vvu̱nnu̱ ovvo i̱vo̱nna̱ng.’