Suosittuja jakeita Raamatun kirjasta Ma̱te̱yo̱ 24

Jaa

Eci otorye ol cik gerzek, iróng zin atin ol ngen irez gonoggi. Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Aziknnu atin niga du̱wa̱ du̱wa̱ cik oronnou ki oronnok cik aavtte ojonun ki cik aavtte reena, abarik zin, ma o̱ngo̱o̱li̱nnu̱. Eci kaala a̱vvu̱ arrak atin, ma̱i̱je̱ ṯurnenet ci lo̱o̱tu̱ okko atin annuwa vu̱rrta̱.

Ooro atin ol lo̱o̱co̱we̱, kar bo̱do̱k alaanzet cu ooro ki alaanzet ci. I̱i̱na̱k atin lo̱o̱c magizzowa ki ki̱rki̱ri̱k o̱ro̱gjo̱k cik aavtte do̱ do̱. Abarik een ne̱ko̱ ulla wu̱ce̱zi̱ ci ngen akane arrak oowa kiwagon wu̱ce̱z ci ngaa ci orong ukcai.

Adittai atin ta̱mu̱-kengi ki lo̱o̱c, imma zoz cinanni abak atin udut.”

Eci a̱vvu̱ atin ol cik meelek zare cigannik, azi ne, ‘Ke̱e̱ni̱ anna Ki̱ri̱sto̱.’ A̱ddu̱t atin nege ol cik meelek.

“Kar zin atin ol kecebtung i̱ge̱t, a̱gi̱ddu̱ng kar ku̱ru̱ktu̱ng a̱da̱i̱to̱. Amarinnung atin ol lo̱o̱co̱we̱ do̱o̱k zo̱ze̱ cinanni. Imma i̱i̱te̱ne̱ neci, ovvo atin ol cik meelek abure tu̱we̱ne̱t zoz ci Ta̱mu̱ta̱dde̱no̱, kar atin kadayya gonoggi bak amarno nege e̱le̱tti̱ne̱. A̱vvu̱ atin a̱ri̱tto̱wa̱ cik meelek volongak, ovvo a̱ddu̱t ol cik meelek.

Abariz Ye̱su̱: “Icinnet ju̱rru̱m, ma anyikku e̱e̱t imma ku̱lu̱ttu̱ng.

E̱re̱yyo̱ zin bo̱do̱k niga ju̱rru̱m i̱i̱nya̱ do̱o̱k, eci Ngerrti E̱e̱to̱ a̱kku̱ atin i̱i̱te̱ne̱ ci iróng niga a̱gga̱yyu̱.”

“I̱yo̱ko̱ zin, icinnet ju̱rru̱m, eci iróng niga a̱gga̱yyu̱ i̱i̱te̱n ci atin a̱kku̱nne̱ Manyitinong.

“I̱llo̱i̱ e̱e̱t co̱de̱ ci a̱gga̱ i̱i̱te̱n icima i̱i̱ ci ovvo kaala ne̱ke̱ ogonine, iróng anjilonya ta̱mu̱-kenga a̱gga̱ bu̱k icima Ngerinne bu̱k. Abarik Baatinna wa aave ta̱mu̱-kenga do̱ ci a̱gga̱.

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ming okko Ngerrti E̱e̱to̱ obodak lo̱o̱c, ogon atin ki i̱i̱te̱ni̱ bali a̱ti̱ye̱ tawani ol e̱rki̱te̱ bali ngen a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Nowa ke̱ aruge. Imma i̱i̱nya̱we̱ ne̱ke̱ baling ngen tawani ki̱ki̱ya̱, adak ol kwo̱o̱rnya̱ ki ru̱we̱ne̱t rucenet rok i̱i̱te̱n bali okko Nowa i̱i̱zo̱ i̱bo̱ cinne ke̱. Iróng ol ba̱li̱ye̱ a̱gga̱ gi̱i̱ ci atin a̱kku̱, bak a̱kku̱ tawani ki̱ki̱ya̱ ki̱ti̱k nogo do̱o̱k. Ogon atin zin bo̱do̱k niko ming okko Ngerrti E̱e̱to̱ a̱kku̱nna̱k lo̱o̱c.