Suosittuja jakeita Raamatun kirjasta Iovani 14

Jaa

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

«ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

ꞌE, ki oho mai te kope hāꞌūꞌū era, he Vārua Maitai uŋa mai e te Matuꞌa hai ꞌīŋoa ōꞌoku, he hāpī atu i te meꞌe taꞌatoꞌa ꞌe he haka manaꞌu tahi atu i tāꞌaku vānaŋa kī atu era.

»Te kope haka roŋo ꞌe haꞌatura ki tāꞌaku roŋo, ko ia te kope haŋa parautiꞌa mai. Tōꞌoku Matuꞌa he haŋa ki a ia ꞌe he haŋa takoꞌa e au, ꞌe ki a ia a au ka haka takeꞌa ena pē hē tōꞌoku huru.

Ka iri nei a au, he no-noꞌi ki te Matuꞌa mo uŋa mai i te kope tāꞌana meꞌe aŋa he hāꞌūꞌū, he Vārua Maitai hāpī i te Parautiꞌa, mo noho mau rō atu ꞌai ꞌi roto i a kōrua. Te Vārua Maitai e ko ai i te nuꞌu o te ao nei taꞌe ⌊haka moe i te manaꞌu⌋ ꞌi ruŋa i a au, he taꞌe ꞌite ꞌe he taꞌe aŋi-aŋi ko ai a ia. Ko kōrua te meꞌe i aŋi-aŋi; a ia, paꞌi, nā ꞌi muri i a kōrua ꞌe pe muꞌa ka oho ena ꞌi roto i a kōrua mau ꞌana ka noho ena.

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa. Te meꞌe taꞌatoꞌa no-noꞌi mai hai ꞌīŋoa ōꞌoku he haka tano e au.

»Mo haŋa mai o kōrua, he haꞌatura kōrua ki tāꞌaku roŋo.

ꞌI te hare o tōꞌoku Matuꞌa e rahi rō ꞌana te kona mo noho. ꞌĀhani taꞌe pē ira, e ko kī tahaŋa atu a au e haka riva-riva rō a au i te kona mo kōrua.

Ki oho au ki haka riva-riva, he hoki mai a au he toꞌo i a kōrua mo noho tahi o tātou ꞌi te kona era ꞌi ira a au.

He kī e Tōmā: —E Ietū, ꞌina a mātou kai ꞌite ki hē koe ka oho ena. ¿Pē hē ia a mātou ana ꞌite i te ara?