Suosittuja jakeita Raamatun kirjasta 2 Kōrinto 7

Jaa

Ko rā māui-ui te māui-ui māhatu haŋa o te ꞌAtua, he meꞌe haka hārui i te manaꞌu o te taŋata ki a ia, maꞌu i a rāua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE te māui-ui māhatu pē ira taꞌe he ꞌati. Te māui-ui māhatu o te taŋata taꞌe haŋa ki te ꞌAtua, taꞌe haka hārui i te manaꞌu o te taŋata ki ruŋa i te ꞌAtua, he meꞌe maꞌu i te taŋata ki te mate, te auraꞌa, he haꞌataꞌa mau rō ꞌāvai mai muri i te ꞌAtua.

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

ꞌE, ko koa ꞌana a au, taꞌe ꞌō ꞌo te māui-ui o te kōrua māhatu, ꞌo te ai hai rā māui-ui i hārui haka ꞌou ai te kōrua manaꞌu ki te ꞌAtua. Te meꞌe ŋaroꞌa era e kōrua he meꞌe haŋa o te ꞌAtua mo tāꞌana nuꞌu. ꞌI te ai pē ira, ꞌina ia a mātou kai aŋa atu i te meꞌe taꞌe tano ki a kōrua hai rā meꞌe pāpaꞌi atu era e au.