Suosittuja jakeita Raamatun kirjasta Aba Loma 6

Jaa

Pakuti amalipilo agha mbibi, bo bufwe. Loli ichabupi ichabulo icha Chala, bo bumi pakumamatilana poka nu Kilisitu u Yesu u Mwene witu.

Imbibi yitakwiza pakuba nu bulaghili papinyu pakuti mute pasi pabulaghili ubwa ndaghilo, loli pasi pachisa icha Chala.

Ukwendela mu lozyo lwitu tukamamatilana poka nawe mu bufwe sona nukusyiliwa kwache, umwakuti ngati mumo u Kilisitu akazyukila kubufwe nu buchindamu ubwa Wise, po umwakuyana bulo, naswe tukwiza pakwikala nubumi ubupya.

Mutakiyipe ichigaba chimo icha mubili winyu kumbibi ukuti chibombe imbombo imbibi. Loli mwiyipe mwebene kwa Chala, ngati bo bantu babo bazyuka bulo kubufwe, sona bali nubumi. Mwiyipe amabili ghinyu kwa Chala ukuti ghabombe imbombo ingolosu.

Tuzimenye ukuti inkalo yitu iyakale yikakomeliwa poka nu Yesu pachipinjika, ukuti inkalo zyitu izya mbibi zinanganike, umwakuti tutakabe sona bazya abambibi.

Umwakuyana bulo, mubaghiye mwipimaye mwebene pakuba ngati mwe bantu abafwe kumbibi, loli pakuba nubumi pamaso pa Chala pakumamatilana poka nu Kilisitu u Yesu.

Po tungati choni? Nkimba twendelelaye pakwikala mumbibi ukuti ichisa icha Chala chonjelelepo? Awe, tutangachela! Aswe tufuye kumbibi, po nkimba tungendelela bulibuli pakwikala mumbibi?

Nkimba mutazimenye ukuti bo mukwiyipa mwebene ukwivwila umuntu yumo ngati bo bazya, naloli mwe bazya aba muntu yuyo mukumwivwila—pamo mwe bazya abambibi zizyo zikwiza nu bufwe, pamo mwe bazya aba lwivwilo lulo lukumunena umuntu pakuba mugholosu pamaso pa Chala?

Loli amapalo ghabanje kwa Chala, napapo akabalilo kamo mukaba mwe bazya abambibi, loli ilelo mukwivwila nu moyo winyu ghosi ubwanaloli ubwa vimanyisyo vivyo mukapokela. Mwasatuliwa kumbibi, sona ilelo mwaba bazya aba bugholosu.