Suosittuja jakeita Raamatun kirjasta Matiw 26

Jaa

Ikous, iyum inekes asteitoun, bo imasis. Idibek Pita, “Ta-bukula̱lals bukulabeigs tut kadiyakus waseg. Kutoukums, kula̱lals, kunnitougs; mata ge bukusiws abiyokon waseg. Bo iseiw nuwamiy wotet towen, tage tougwey yakamiy.”

Idibakes, “Woug moumouvit ma̱wana dakul, kakita bakanig adok. Bweina kusesus towen kula̱lals, kulabeigs nitoug waseg.”

Inoun, nag in kadiveiyov, imasis kantukov, initoug, ilana, “Tamag, magat bukutam bo bapiyev kwa̱vig towen, singay yayan; tage ama̱wan ya̱koum nanoum, nanoug yey awoum.”

Ikous, mo ikow kwa̱vig, ikalin nuwan Yowbad waseg, ikiv, isekes, ilana, “Tababaws yakamiy kumoums towen buya̱vig silma̱nin kaleiwag kweivaw; buya̱vig iwta̱wout biwid kid amisinap kalbaleb, simiyas gamag babaw.

Igaw ikamkwams, Yeisuw ikow bled, anilivan bwanabwein isek, mo ivgen, isekes inavamul wasigeis, ilana, “Kaeimiy towen woug, kukwams.”

Ikous, mo ikow kwa̱vig, ikalin nuwan Yowbad waseg, ikiv, isekes, ilana, “Tababaws yakamiy kumoums towen buya̱vig silma̱nin kaleiwag kweivaw; buya̱vig iwta̱wout biwid kid amisinap kalbaleb, simiyas gamag babaw.

Ikous, iyum inekes asteitoun, bo imasis. Idibek Pita, “Ta-bukula̱lals bukulabeigs tut kadiyakus waseg. Kutoukums, kula̱lals, kunnitougs; mata ge bukusiws abiyokon waseg. Bo iseiw nuwamiy wotet towen, tage tougwey yakamiy.”

“Adibakeimiy, nag vayuwein ba̱moum gleip sipinen ee... anatut kweivaw sipinen mo bitamoums Tamag wanakabkaleiwag.”

Pita inuway Yeisuw anilivan, “Nuwanaw bukupiyaveig sivatoun, mo beigel kolkolek.” Inuway livan towen, isunap, inoun in tana̱ban, iva̱lam, singay igeg nanon.

Ikous, iyum inekes navamul, idibakes, ilana, “Igaw kuyeiwas, kummasis. Bo deis! Datuts bo ikous. Bo isap tasilkodeig Gimgilitoun yey. Takalbalebs bo nimeis kid biyousigs yey. Kukits tanounas, tasilkodeig bo isap!”

Iw to Yeisuw, ilana, “Kuyamen mupulut, bein wakaban. Tasiyas gog tawayins gamag pulut waseg, igaw bikanka̱nigs pulut waseg. Adok nag kukwakins gunanitoug waseg Tamag, nuwanaw mo beitam min-liba̱lab bilabeigs, singay babaw tawsans. Nag gog. Kukin nag biyousigs, ta-ma̱wan bikamat liva̱neig Bukitab nilivnek.”