Jabura 146
146
Ala tantu beete mɔgɛnu kɔtɔsɔ koe la
1Wo Alatala tantu!
N ni Alatala tantu n nɛ bɛ la!
2N si Alatala tantu le fanni n be baluren.
N si n na Ala matɔgɔ le beete tɔ fanni n be dunuya.
3Wo kana wo yɛtɛ taaku sɔdula tige yo la,
kise te sɔtɔ adamadeŋɛ min na.
4A foofe be danna le, a ni saagi bangue tɔ.
Wo lun dɔndɛ le, a be min hanigeren, wo bɛ be banna le.
5Hɛra be mɔgɛ ye, min dɛmanná mu Yaguba la Ala la,
min be a yige sala Alatala ma, a la Ala,
6Ala min ka saŋɛ nun duge nun ba da,
anun anu butɔfeŋɛnu bɛ.
A la kuma dɔndɔ tigiya te ban abada.
7Anu tini boe mɔgɛ min ma, Alatala be a la kiite sala le.
A be dɔmɛ diila kɔnkɔbaganu ma.
A be gelemanɛnu labɔɔla geele tɔ.
8Alatala le be ɲabɔnɛnu ɲanu lakala.
Alatala be mɔgɔ kunkurundeŋɛ bɛ lawulila le.
Alatala be mɔgɔ telendeŋɛnu kanuren.
9Alatala be mɛnniren tumarankenu ma,
a be aliyatimɛnu nun furuɲa musenu kɔtɔsɔla.
Kɔnɔ, a be mɔgɔ koroŋɛnu kan na tagamaŋɛnu tiɲala le.
10Alatala si mansaya le abada.
Ee Siyɔn, ale le mu i la Ala la bɔɔla bɔnsɔ ma han bɔnsɔ.
Wo Alatala tantu!
Currently Selected:
Jabura 146: MOG
Tõsta esile
Jaga
Compare
Kopeeri
Want to have your highlights saved across all your devices? Sign up or sign in