Jabura 147
147
Alatala tantu beete a la wale sɛnbɛmanu la ko la Isirayila ye
1Wo Alatala tantu,
bayi Ala matɔgɔ koe beete tɔ, a kaɲin,
bayi ko ɲinma diyama le Alatala tantu koe la.
2Alatala be Darisalamu tasɔla,
a ni bani Isirayila deŋɛnu madɛn minnu bɔɔta.
3Jusu makasa be minnu la, a be wonu dandanna,
a be anu la tɛlɛnu kola.
4A be loolenu kɔnte lɔnden,
a be anu bɛ tɔgɔ saren.
5Mɔ Marige kolo, a sɛnbɛ kolo han.
A la hakkili ɲinmaya dan bele.
6Alatala be tɔɔrɔbaganu la ko mayɛlɛla,
a ni ko koron malanu la ko majigi han duge tɔ.
7Wo ni wo kulɛ labɔɔ Alatala la walisa koe la,
wo ni beete bɔɔ wo mɔ Marige Ala la biliya kɔtɔ, anun kɔra la.
8Ale le be saŋɛ mabutinna luuture la,
a ni sange nati duge tɔ;
a ni ɲagama lafɛtɛn kɔnkɛnu kunma,
9a ni balue dii kolofeŋɛnu ma.
Kaaka la deŋɛnu tini anu kulɛ labɔɔ, ale le be dɔmɛ diila anu ma.
10Soee la weregenteya le te Alatala hɛnɛ de,
mɔgɛ la sɛnbɛ koloya le tugun bele diyala a ye.
11Ala ɲalakilan mɔgɛnu le di Alatala ye,
anun minnu be anu yili toren a la fonisireya ma.
12Darisalamu saa, i ni Alatala matɔgɔ!
Siyɔn saa,#147:12 Darisalamu tɔgɔ do le mu Siyɔn na. tantue lataga i Marige Ala ma.
13Bayi a be i la bondanu balanfeŋɛnu sɛnbɛ sala le,
a be barikɛ sala i la deŋɛnu ma minnu be ile saa butɔ.
14A be a mala hɛra ni to i la duge tɔ,
a ni i lafa dɔmɔ ɲinma la.
15A be a la yamɔre lasanbala le duge kunma,
a la kuma be tagamanna le teriya teriya la.
16A be sangi kure munge lajigila a ni duge mabutin iko gese pute.
A be konbe lansanna duge kunma iko ta buguta.
17A be a la sangi kure lafilila duge tɔ a kuru kure le la.
A be kima min natila, ɲɔmɔ le si nɔ sɔla a ɲakɔtɔ?
18A be a la kuma lasanbala tun, anu bɛ bata yosi.
A be a la fɔɲɛ labɔɔla tun, je bɛ ni woyi.
19A be Yaguba lalɔnna a la kumanu la,
a ni bani Isirayila lalɔn a la ko manɛŋɛnu nun a la kuma makiitireŋɛnu la.
20A ma wo ma sii gbɛtɛnu ye,
wonu kan ma Ala la kuma makiitireŋɛnu lɔn.
Wo Alatala tantu!
Currently Selected:
Jabura 147: MOG
Tõsta esile
Jaga
Compare
Kopeeri
Want to have your highlights saved across all your devices? Sign up or sign in