BibleProject | जर्नी थ्रु लुक एण्ड एक्ट्सMuestra

रोममा सुनुवाइ होस् भनेर पावलले अपील गरिसकेपछि फेस्तसले सबै कुरा राजा अग्रिपासलाई सुनाउँछन्। यसले राजालाई चकित पार्छ अनि उनले पावलको कुरा व्यक्तिगत रूपमै सुन्‍ने निर्णय गर्छन्। लूका हामीलाई बताउँछन्, त्यसकारण भोलीपल्ट सबै कुराको बन्दोबस्त गरिन्छ र पावलले गवाही दिएको सुन्‍न अग्रिपाको साथमा थुप्रै महत्त्वपूर्ण अधिकारीहरू पनि उपस्थित हुन्छन्। त्यसपछि लूकाले पावलको कथा र प्रतिरक्षाको तेस्रो विवरण लेख्छन्। तर यस पटक, लूकाको विवरणले के देखाउँछ भने बौरी उठ्नुभएको येशूलाई पावलले भेटेको दिन के भएको थियो त्यसबारे अझ बढी विवरणहरू पावल बताउँछन्। पावलको वरिपरि अन्धा तुल्याउने ज्योति चम्किंदा र उनले स्वर्गबाट आवाज सुन्दा येशूले स्वर्गबाट हिब्रू भाषामा बोलिरहनुभएको थियो। प्रभु येशूले उनलाई उनको परिवर्तनको अनुभव अन्यजाति र यहूदीहरूलाई बताउन बोलावट दिनुभयो ताकि तिनीहरूले पनि परमेश्‍वरको पापक्षमाको ज्योति देख्‍न सकून् र शैतानको अन्धकारबाट मुक्त हुन सकून्। पावलले येशूको आदेश पालन गरे र येशूको कष्ट र पुनरुत्थानबारे सुन्‍ने जत्ति सबैलाई बताए अनि धेरै समयदेखि प्रतीक्षा गरिएको मसीह अर्थात् यहूदीहरूका राजा येशू नै हुनुहुन्छ भन्‍ने कुरा हिब्रू धर्मशास्‍त्रबाट देखाए। फेस्तसलाई पावलको कथामामा विश्‍वास लागेन अनि पावलले होस गुमाएको छ भनेर उनले भने। तर अग्रिपाले पावलका शब्‍दहरू उचित छन् भन्‍ने देख्छन् र उनी झण्डै इसाई बनेको कुरा स्वीकार गर्छन्। पावलको मनस्थितिबारे फेस्तस र अग्रिपास सहमत नभए तापनि पावलले मृत्युदण्ड वा कैद पाउन योग्य केही गरेका छैनन् भनेर तिनीहरूले मानिलिन्छन्‌।