Sal 11
11
Kuqubabel-k'u'x rik'in ri Jehová*f8*
1Rik'in ri Jehová nukuquban-wi nuk'u'x.
¿Achike roma nibij chuwe:
katanimej, kabiyin pa taq juyu' achi'el nuben jun aj-xik' chikop?
2Roma, ri e banoy etzelal kan kinaban chik ri kich'ab,
richin chi pan ewel yekiq'ijuj ri choj kik'aslen.
3Wi ta ri ruch'abel ri Dios nitzaq,
¿achike k'a xtuben ri choj ruk'aslen?
4Ri Jehová chupan k'a ri loq'olej rachoch k'o-wi;
chila' chikaj k'o-wi ri rutz'uyubal richin nuq'et-tzij,
rija' kan rutzuliben k'a pe ronojel ri nikiben ri winaqi'.
5Ri Jehová kan yerutejtobej k'a ri choj kik'aslen,
jak'a ri aj-maki' y ri niqa' chikiwech yekamisan, kan yerixowaj.
6Pa kiwi' ri e banoy etzelal xtuben chi xtiqaqa q'aq' y chuwilej-abej;
kan xtuteq k'a pe jun k'aten laj kaq'iq' ri kan xkeruk'et
jare' ri ruk'amon richin nikik'ul rije'.
7Ri Jehová kan choj y niqa' chuwech ri ruchojmilal;
roma ri' ri choj kik'aslen kan xtikitz'et ruwech rija'.
Actualmente seleccionado:
Sal 11: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
