Sal 12
12
Ri Dios kan yeruto' ri kikuquban kik'u'x rik'in*f9*
1Jehová, qojato' roma ri choj kik'aslen xa xek'is,
kan man jun chik k'a k'o chikikojol ri winaqi' ri choj ta niyibin chawech.
2Xa kan chaq nikitz'ukula' k'a tzij chikij ri kachpochel.
Rik'in ka'i' kipalej yech'on chikiwech;
xa ruyon k'a q'oloj yekiben.
3Rat Jehová xke'ak'is konojel ri e tz'ukuy taq tzij,
xke'awelesaj-el ri winaqi' ri janila kinimirisan-ki' rik'in ri kich'abel,
4ri winaqi' ri nikibij: Rik'in ri qach'abel yojch'akon;
ri qaq' kan yojruto',
roma ri' kan man jun xtitikir qik'in, yecha'.
5Jak'a ri Jehová kere' nubij:
Xkiyakatej k'a richin xkento' ri man jun ok k'o kik'in y yetz'ilox,
chuqa' roma ri kijiloj ri k'o nik'atzin chike
kan xkento' pa kiq'a' ri yetz'ilo kichin, ncha'.
6Ri ruch'abel ri Jehová kan qitzij y ch'ajch'oj,
kan achi'el ri saqipueq toq niq'axex wuqu' mul pa q'aq' richin nich'ajch'ojir.
7Jehová, rat k'a xkachajin kichin ri choj kik'aslen.
Kan jantape' ta xke'ato' chikiwech ri e banoy etzelal,
8xke'achajij k'a, rokik ri e banoy etzelal xabakuchi ek'o-wi,
rokik ri winaqi' kiya'on q'ij chire ri etzelal.
Actualmente seleccionado:
Sal 12: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
