ᔨᕆᒤᐊᐅᑉ ᐅᒡᒍᐊᕐᓂᖏᑦ 5
5
ᑐᒃᓯᐊᕐᓂᖅ ᓂᑲᒋᔭᐅᔪᒪᓂᕐᒧᑦ
1ᐊᑕᓃᖅ ᐃᖅᑲᐅᒪᓚᐅᒃᑭᑦ ᖃᓄᐃᑕᐅᓂᕆᓯᒪᔭᕗᑦ,
ᐅᑦᔨᕆᓚᐅᕐᑎᒍᑦ ᓇᕐᕈᓇᕐᓂᕗᑦ ᑕᑯᓗᒍ.
2ᑭᖑᕐᖑᑎᔭᕗᑦ ᑕᑯᓕᒪᓇᖏᑦᑐᓄᑦ ᐱᓯᒪᔭᐅᓕᕐᒪᑕ,
ᐊᖏᕐᕋᕆᓚᐅᕐᑕᕗᓪᓗ ᐃᓂᒋᔭᐅᓕᕐᓗᑎᒃ ᑕᑯᓕᒪᓇᖏᑦᑐᓄᑦ.
3ᐃᓕᐊᕐᔫᓕᕐᐳᒍᑦ ᐊᑖᑕᖃᕈᓐᓃᕐᐳᒍᑦ ᐊᓈᓇᕗᑦ ᐅᐃᒡᒐᕐᓂᐅᓕᕐᐳᑦ.
4ᐃᒥᕐᑖᕐᐸᓕᕐᐳᒍᑦ ᐊᑭᓖᓪᓗᑕ,
ᓂᐅᕕᕐᓗᑕᓗ ᑭᓯᐊᓂ ᕿᔪᒃᓴᖃᕈᓐᓇᓕᕐᓗᑕ.
5ᖁᖓᓯᑦᑎᒍᑦ ᓇᖕᒪᐅᓯᕐᓗᑕ ᐊᐅᓚᑉᐹᑎᒍᑦ,
ᐱᓇᓱᐊᕋᓗᐊᕋᑦᑕ ᑕᕾᕐᓯᕐᕕᖃᓐᖏᓚᒍᑦ.
6ᐄᑦᔨᑉᑎᒥᐅᓂᒃ ᐊᓯᕆᐊᒥᐅᓂᒡᓗ ᐊᖏᖃᑎᖃᕐᓯᒪᕗᒍᑦ,
ᓂᕿᓂᒃ ᓈᒻᒪᑐᐃᓐᓇᕐᑐᓂᒃ ᐱᔪᓐᓇᕈᒪᓪᓗᑕ.
7ᓯᕗᓕᕗᑦ ᐊᔪᕐᑐᓕᓚᐅᕐᒪᑕ, ᐱᑕᖃᕈᓐᓃᕐᐳᑦ,
ᐊᔪᕐᑐᓕᓂᖏᓪᓕ ᐊᒃᓱᕈᕐᓇᕐᑐᒦᑦᔪᑎᒋᕙᕗᑦ.
8ᐊᐅᓚᑕᐅᕗᒍᑦ ᓯᐊᓛᓂᑦ ᐱᐅᓂᕐᓴᐅᖏᑦᑐᓂᑦ,
ᑖᒃᑯᐊᓗ ᐊᐅᓚᑦᓯᓂᖓᓐᓂᑦ ᓴᐳᑦᔨᔨᒃᓴᖃᕋᑕ.
9ᑐᖁᕅᔩᑦ ᓇᓂᑐᐃᓐᓈᓕᕐᒪᑕ,
ᑐᖁᑕᐅᑐᐃᓐᓇᕆᐊᖃᕐᓗᑕ ᓂᕿᒃᓴᕐᓯᐅᕋᓱᐊᕐᐸᒃᐳᒍᑦ.
10ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ
ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.
11ᓄᓕᐊᕗᑦ ᖁᓄᔪᕐᓂᐊᕐᑕᐅᖃᑦᑕᕐᓯᒪᕗᑦ ᓮᐅᓂᒥ,
ᐅᐃᒡᒐᓱᐃᓪᓗ ᔫᑕᐅᑉ ᓄᓇᓕᖁᑎᖏᓐᓃᑦᑐᑦ.
12ᐊᖓᔪᖅᑳᕐᔪᐊᓪᓗ ᐃᕐᓂᖏᑦ ᓂᕕᓐᖓᕐᑕᐅᖃᑦᑕᕐᐳᑦ ᐊᒡᒊᓐᓇᖏᑎᒍᑦ,
ᐃᓄᑐᖃᕆᔭᕗᓪᓗ ᐅᐱᒋᔭᐅᓂᖃᓐᖏᓚᑦ.
13ᐃᓅᓱᒃᑐᖁᑎᕗᓪᓗ ᓯᖃᓪᓕᓯᕕᖕᒥ ᓂᐊᖂᔭᒃᓴᓂᒃ ᓯᐊᓛᕆᔭᐅᑐᐃᓐᓇᕐᐳᑦ;
ᓄᑲᑉᐱᐊᓪᓗ ᕿᔪᒃᓴᓂᒃ ᐊᒡᔭᕐᑐᕐᑎᐅᔪᑦ ᐅᖁᒤᒃᓴᕐᑎᑕᐅᓗᐊᕐᓂᕐᒧᑦ
ᐅᕐᕈᔮᕐᓗᑎᒃ ᐊᒡᔭᕐᑐᖃᑦᑕᕐᐳᑦ.
14ᐃᓄᑐᖃᐅᔪᑦ ᐃᑎᕐᑕᕐᕕᖕᓂᒃ ᑲᑎᒪᖃᑦᑕᕐᕕᖕᒥᖕᓂᒃ ᕿᒤᕗᑦ,
ᐃᓅᓱᒃᑐᓪᓗ ᐃᓐᖏᖃᑦᑕᕐᑐᑦ ᑐᓴᕐᓴᐅᔪᓐᓃᕐᓗᑎᒃ.
15ᐆᒻᒪᑎᑦᑕ ᖁᕕᐊᓱᖕᓂᖏᑦ ᓄᖅᑲᕐᐳᑦ,
ᑖᓂᓯᕐᓂᕗᑦ ᒧᒥᒃᐳᖅ ᕿᒃᓵᖕᓂᕐᒧᑦ.
16ᓂᐊᖂᑏᑦ ᓂᐊᖁᑦᑎᓐᓂᑦ ᑲᑕᒃᓯᒪᕗᑦ,
ᑲᑉᐱᐊᓐᓇᒦᒃ ᐊᔪᕐᑐᓕᓚᐅᕋᑦᑕ!
17ᑍᒤᒻᒪᑦ ᐆᒻᒪᑎᕗᑦ ᖃᓂᒪᕗᑦ,
ᐃᔨᕗᓪᓗ ᑕᐅᑐᑦᓯᐊᕈᓐᓃᕐᓗᑎᒃ.
18ᓮᐅᓂ ᓱᓇᖃᕈᓐᓃᕐᒪᑦ ᐃᑭᐊᓐᖑᓇᕐᓯᕗᖅ,
ᐊᒪᕈᖓᔪᓄᑦ ᓇᔪᒐᑐᐃᓐᓇᐅᓕᕐᒪᑦ.
19ᐊᑕᓃᕐᓕ ᐊᖓᔪᖅᑳᕐᔪᐊᖑᓃᑦ ᐃᓱᖃᖏᑦᑑᕗᖅ,
ᐊᐅᓚᑦᓯᓂᕾᓐᓇᕐᓂᐊᕐᓗᑎᓪᓗ ᑭᖑᕚᕇᓂᑦ ᑭᖑᕚᕇᓄᑦ.
20ᓱᖕᒪᑦ ᐳᐃᒍᕐᐱᑎᒍᑦ ᐃᓱᖃᖏᑦᑐᒧᑦ?
ᐊᓚᐅᒪᓪᓗᑕᓗ ᐊᑯᓂᐊᓗᒃ?
21ᐊᑕᓃᖅ ᐃᓕᖕᓄᑦ ᐅᑎᕐᑎᓚᐅᕐᑎᒍᑦ ᐋᖅᑭᒃᑕᐅᖁᓪᓗᑕ,
ᐅᓪᓗᕗᑦ ᓄᑖᓐᖑᕐᑎᒃᑭᑦ ᑍᑦᓱᒪᓂᐅᓚᐅᕐᑐᑎᑐᑦ.
22ᐅᕝᕙᓗ ᑖᕗᖓᓕᒫᖅ ᓇᕐᕈᒋᓕᕐᐱᑎᒎᑦ?
ᓂᓐᖓᐅᒪᕕᒋᕕᑎᒎᑦ ᐋᖅᑭᒐᒃᓴᐅᖏᑦᑐᒥᒃ?
Actualmente seleccionado:
ᔨᕆᒤᐊᐅᑉ ᐅᒡᒍᐊᕐᓂᖏᑦ 5: EAIB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Eastern Arctic Inuktitut Bible © Canadian Bible Society, 2012, 2021-2023.
