ᐃᓯᑭᐊᓕᐅᑉ ᐊᒡᓚᖏᑦ 1
1
ᐃᓯᑭᐊᓕᐅᑉ ᑕᑯᑎᑕᐅᓂᖓ ᓯᕗᓪᓕᕐᐹᖅ ᒎᑎᒥᒃ
(1:1—7:27)
ᒎᑎᐅᑉ ᐃᒃᓯᕙᐅᑕᕐᔪᐊᖓ
1 #
ᑕᑯᑎ 19:11. ᐊᕐᕌᒍᑦ 13ᒋᓕᕐᑕᖏᓐᓂ, ᑕᖅᑮᑦ ᓯᑕᒪᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᐅᓪᓚᕈᑦᔭᐅᓯᒪᔪᓂ ᓄᓇᖃᖃᑕᐅᑎᓪᓗᖓ ᑰᑉ ᓰᐸᕆᒥᒃ ᐊᑎᓕᐅᑉ ᖃᓂᒋᔮᓂ ᐹᐱᓘᓂᐅᑉ ᓄᓇᖓᓂ, ᕿᓚᒃ ᐊᖕᒪᕐᑐᖅ ᑕᑯᕙᕋ ᑕᑯᑎᑕᐅᓪᓗᖓᓗ ᒎᑎᒥᑦ. 2#ᐊᑕᓃᑦ ᐂᑉᐸᖏᑦ 24:10-16; ᑯᕉᓂᑲ ᐂᑉᐸᖏᑦ 36:9,10.ᑕᖅᑭᐅᑉ ᐅᓪᓗᖏᑕ ᑕᓪᓕᒪᖓᓐᓂ. (ᐊᕐᕌᒍᐃᑦ ᑕᓪᓕᒪᒋᓕᕐᑕᖓᓐᓂ ᐊᖓᔪᖅᑳᕐᔪᐊᑉ ᔨᕼᐅᐃᐊᑭᓂᐅᑉ ᐊᐅᓪᓚᕈᑦᔭᐅᓂᖓᑕ ᑭᖑᓂᖓᓂ.) 3ᐊᑕᓂᖅ ᐅᖃᕐᐳᖅ ᐃᓯᑭᐊᓕᒧᑦ ᑐᓂᕐᕈᓯᕐᑎᑦᓯᔨᒧᑦ, ᐳᔾᔧᑎᐅᑉ ᐃᕐᓂᖓᓄᑦ, ᑲᐅᓪᑎᐊᒥᐅᑦ ᓄᓇᖓᓂ ᑰᑉ ᓰᐸᕆᐅᑉ ᖃᓂᒋᔮᓂ; ᐱᔪᓐᓇᕐᓂᖓᓄᓪᓗ ᓇᔪᕐᑕᐅᓕᕐᐳᖅ ᑕᕝᕙᓂ.
4ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ. 5#ᑕᑯᑎ 4:6.ᑖᑦᓱᒪᓗ ᐊᓄᕆᕐᔪᐊᑉ ᕿᑎᖓᓃᑦᑐᖃᕐᐳᖅ ᐆᒪᔪᐊᓗᖕᓂᒃ ᓯᑕᒪᓂᒃ. ᑖᒃᑯᐊᓗ ᐃᓄᒃᑎᑐᑦ ᑕᐅᑦᑐᖃᕐᐳᑦ. 6ᐊᑐᓂᓪᓗ ᑖᒃᑯᐊ ᓯᑕᒪᓂᒃ ᑮᓇᖃᕐᐳᑦ, ᓯᑕᒪᓂᒡᓗ ᐊᑐᓂᑦ ᐃᓴᕈᖃᕐᓗᑎᒃ. 7ᓂᐅᖏᑦ ᐃᓯᕕᖓᓪᓗᐊᕐᐳᑦ, ᐊᓗᖏᓪᓗ ᑐᒃᑐᕙᐅᑉ ᓄᕐᕋᖏᑕ ᐊᓗᖏᑎᑐᑦ ᐊᓗᖃᕐᐳᑦ; ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᕿᓪᓕᕐᑎᒋᔪᓂᒃ. 8ᓯᑕᒪᓂᒃ ᑮᓇᖃᕐᐳᑦ ᓯᑕᒪᓂᒡᓗ ᐃᓴᕈᖃᕐᓗᑎᒃ; ᓯᑕᒪᓂᒡᓗ ᐊᑐᓂᑦ ᐊᒡᒐᖃᕐᐳᑦ ᐃᓴᕈᕐᒥ ᐊᑖᒍᑦ. 9ᐃᓴᕈᖏᑦ ᐃᒻᒥᖕᓄᑦ ᐊᒃᑐᐊᖃᑦᑕᐅᑎᕗᑦ; ᐊᐅᓚᑦᔭᒑᖓᒥᒃ ᐊᑕᐅᑦᓯᒃᑯᑦ ᐃᖏᕐᕋᓯᖃᑦᑕᕐᐳᑦ, ᑎᒥᖏᑦ ᓴᖑᔭᕆᐊᖃᕋᑎᒃ.
10 #
ᐃᓯᑭᐊᓕ 10:14; ᑕᑯᑎ 4:7. ᐊᑐᓂᓪᓗ ᑮᓇᖏᑕ ᓯᑕᒪᑦ ᑕᐅᑦᑐᖏᑦ ᐃᒤᓕᖓᕗᑦ, ᓵᖓᓃᑦᑐᑦ ᐊᑐᓂᑦ ᐃᓄᒃᑎᑐᑦ ᑮᓇᖃᕐᐳᑦ, ᑕᓕᕐᐱᐊᓃᑦᑐᑦ ᓛᔭᑎᑐᑦ, ᓴᐅᒥᐊᓃᑦᑐᑦ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᑎᑐᑦ, ᑐᓄᐊᓃᑦᑐᓪᓗ ᓇᒃᑐᕋᓕᒃᑎᑐᑦ. 11ᑍᒫᒃ ᑕᕝᕙ ᑮᓇᖃᕐᐳᑦ. ᐊᑐᓂᓪᓗ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ ᐊᒃᑐᐊᖃᑦᑕᐅᑎᓪᓗᑎᒃ, ᐃᓴᕈᖏᑕᓗ ᐂᑉᐸᖏᓐᓄᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ. 12ᑖᒃᑯᐊᓗ ᐊᑐᓂᑦ ᓇᒧᑐᐃᓐᓇᖅ ᓵᓐᖓᔭᒥᖕᓄᑦ ᐃᖏᕐᕋᔪᓐᓇᕐᐳᑦ; ᐊᓂᕐᓂᖅ ᓇᒧᑐᐃᓐᓇᖅ ᐃᖏᕐᕋᓯᑐᐊᕌᖓᑦ, ᐃᖏᕐᕋᓯᖃᑦᑕᕐᐳᑦ, ᓴᖑᓇᓱᒋᐊᖃᕋᑎᒃ.
13 #
ᑕᑯᑎ 4:5. ᐆᒪᔪᐊᓗᐃᓪᓗ ᐊᑯᕐᖓᓐᓃᑦᑐᖃᕐᐳᖅ ᐊᐅᒪᐅᔮᕐᑐᓂᒃ ᐃᑯᐊᓚᔪᓂᒃ, ᓇᓂᕈᐊᑎᑐᑦ ᑍᒤᑦᑐᒥᒃ ᐃᖏᕐᕋᔪᖃᕐᐳᖅ ᐆᒪᔪᐊᓗᐃᑦ ᐊᑯᕐᖓᓐᓂ; ᐃᑯᒪᖓᓗ ᖃᐅᒻᒪᕆᒃᐳᖅ, ᐃᑯᒪᔪᒥᓪᓗ ᑕᕝᕙᓐᖓᑦ ᖃᐅᒻᒪᓪᓚᒃᑐᖃᖃᑦᑕᕐᐳᖅ. 14ᐆᒪᔪᓪᓗ ᑖᒃᑯᐊ ᓱᒃᑲᔪᐊᓘᓪᓘᑎᒃ ᐊᕙᒻᒧᑲᐅᕐᑐᕈᓐᓇᕐᐳᑦ, ᖃᐅᒻᒪᓚᒃᑎᑐᑦ ᓱᒃᑲᑎᒋᔪᒥᒃ.
15 #
ᐃᓯᑭᐊᓕ 10:9-13. ᑖᒃᑯᓂᖓ ᐆᒪᔪᓂᒃ ᑕᑯᓐᓇᕐᑎᓪᓗᖓ, ᑕᑯᓕᕆᕗᖓ ᐊᒃᓴᓗᐊᓂᒃ ᓯᑕᒪᓂᒃ ᓄᓇᒧᑦ ᐊᒃᑐᐊᔪᓂᒃ ᐆᒪᔪᑦ ᓴᓂᐊᓃᑦᑐᓂᒃ, ᐊᑐᓂᑦ ᑖᒃᑯᐊ ᐆᒪᔪᑦ ᓯᑕᒪᑦ ᐱᒋᔭᖏᓐᓂᒃ. 16ᐊᒃᓴᓗᐊᓪᓗ ᑖᒃᑯᐊ ᑕᐅᑦᑐᖏᑦ ᓴᓇᒪᓂᖏᓪᓗ: ᕿᓪᓕᕐᑐᐊᓘᕗᑦ ᐅᔭᕋᒃᑎᑐᑦ ᐱᐅᔪᒃᓴᔭᓪᓚᕆᒃᑎᑐᑦ; ᐊᑐᓂᓪᓗ ᓯᑕᒪᑦ ᐊᑦᔨᒌᒥᒃ ᑕᐅᑦᑐᖃᕐᐳᑦ, ᐊᒃᓴᓗᐊᓪᓗ ᓴᓇᓯᒪᓂᖏᑦ ᐃᓗᐊᒍᑦ ᐊᒃᓴᓗᐊᖃᒃᑲᓐᓂᕐᑑᔮᕐᐳᑦ. 17ᑖᒃᑯᐊ ᐊᒃᓴᓗᐊᑦ ᑍᒤᓕᖓᓂᕐᒥᖕᓄᑦ ᓇᓪᓕᐊᓐᓄᑐᐃᓐᓇᖅ ᓯᑕᒤᓄᑦ ᓵᓐᖓᑐᐃᓐᓇᕐᑕᒥᖕᓄᑦ ᐃᖏᕐᕋᓯᔫᒥᔪᓐᓇᕐᐳᑦ ᓴᖑᔭᕆᐊᖃᕋᑎᒃ. 18#ᑕᑯᑎ 4:8.ᐊᒃᓴᓗᐊᓪᓗ ᓯᑕᒪᑦ ᓯᓇᕐᔪᖏᑦ ᐳᕐᑐᔫᕗᑦ ᑲᒪᓇᕐᑑᓪᓗᑎᒡᓗ; ᐊᒃᓴᓗᐊᓪᓗ ᓯᑕᒪᑦ ᓯᓇᕐᔪᓕᒫᖏᑦ ᐃᔨᓂᒃ ᓈᓯᒪᕗᑦ. 19ᐆᒪᔪᓪᓗ ᐃᖏᕐᕋᓯᔭᕌᖓᑕ, ᐊᒃᓴᓗᐊᑦᑕᐅᖅ ᐃᖏᕐᕋᓯᖃᑕᐅᕙᒃᑭᕗᑦ ᓴᓂᐊᓃᓪᓗᑎᒃ; ᐆᒪᔪᓪᓗ ᓄᓇᒥᑦ ᖃᖓᑦᑕᕌᖓᑕ, ᐊᒃᓴᓗᐊᑦᑕᐅᖅ ᖃᖓᑦᑕᖃᑕᐅᕙᒃᑭᕗᑦ. 20ᐊᓂᕐᓂᖅ ᓇᒧᑐᐃᓐᓇᖅ ᐂᓕᕌᖓᑦ, ᐆᒪᔪᑦ ᒪᓕᖃᑦᑕᕐᐳᑦ, ᐊᒃᓴᓗᐊᓪᓗ ᒪᓕᖃᑦᑕᕆᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ. 21ᐆᒪᔪᑦ ᐃᖏᕐᕋᓯᔭᕌᖓᑕ, ᐃᖏᕐᕋᓯᖃᑕᐅᕙᒃᑭᕗᑦ; ᓂᑯᕕᑉᐸᑕ, ᓂᑯᕕᖃᑕᐅᕙᒃᓗᑎᒃ; ᓄᓇᒥᑦ ᖃᖓᑦᑕᕐᐸᑕ, ᖃᖓᑦᑕᖃᑕᐅᕙᒃᑭᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.
22 #
ᑕᑯᑎ 4:6. ᐆᒪᔪᑦ ᓂᐊᖁᖏᑕ ᖁᓛᓂ ᐃᒡᓗᕕᒐᐅᔨᖓᔪᒥᒃ ᓴᖅᑭᔮᕐᑐᖃᕐᐳᖅ, ᕿᓪᓚᕆᒃᑐᒥᒃ ᓂᓚᒃᑎᑐᑦ, ᓂᐊᖁᖏᑕᓗ ᖁᓛᓃᑦᑐᑦ ᑲᒪᓇᕐᑐᐊᓘᕗᑦ. 23ᐃᒡᓗᕕᒐᐅᔨᖓᔫᓪᓗ ᐊᑖᓂ ᐆᒪᔪᑦ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ, ᐃᒻᒥᖕᓄᑦ ᐊᒃᑐᐊᖃᑦᑕᐅᑎᓪᓗᑎᒃ; ᐃᓴᕈᖏᑕ ᐂᑉᐸᖏᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ. 24#ᑕᑯᑎ 1:4-15; 19:6.ᐃᓴᕈᕐᓱᓕᕌᖓᑕᓗ ᐃᓴᕈᕐᓱᕐᕙᓗᖏᑦ ᐃᒪᕐᕕᐅᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖏᑎᑐᑦ ᑐᓴᕐᓴᐅᖃᑦᑕᕐᐳᑦ, ᐊᔪᒐᖃᖏᑦᑑᑉ ᓂᐱᕐᔪᐊᖓᑐᑦ, ᐅᓇᑕᕐᑎᒐᓴᒡᔪᐊᓪᓗ ᓂᐱᕐᔪᐊᖏᑎᑐᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ. 25ᓂᐱᒥᒡᓕ ᓂᓪᓕᕐᑐᖃᕐᒪᑦ ᐃᒡᓗᕕᒐᐅᔮᕐᑐᒥᑦ ᓂᐊᖁᖏᑕ ᖁᓛᓃᑦᑐᒥᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ.
26 #
ᐃᓯᑭᐊᓕ 10:1; ᑕᑯᑎ 4:2,3. ᐃᒡᓗᕕᒐᐅᔮᕐᑑᓪᓗ ᓂᐊᖁᖏᑕ ᖁᓛᓃᑦᑑᑉ ᖁᓛᓂ ᐃᒃᓯᕙᐅᑕᕐᔪᐊᖑᔮᕐᑐᖃᕐᐳᖅ, ᐅᔭᕋᒃᑎᑐᑦ ᓴᐰᕋᐅᔮᕐᑐᒥᒃ; ᐃᒃᓯᕚᕐᑐᕐᓗ ᐃᒃᓯᕙᐊᑕᕐᔪᐊᖑᔮᕐᑐᒥ ᐃᓄᒃᑎᑐᑦ ᑕᐅᑦᑐᖃᕐᑑᔮᕐᐳᖅ. 27#ᐃᓯᑭᐊᓕ 8:2.ᕿᑎᕆᔫᔮᕐᑕᖓᑕᓗ ᖁᓛ ᑕᑯᕙᕋ ᑲᓐᓄᔭᑐᑦ ᕿᓪᓕᕐᑎᒋᔪᖅ, ᐃᑯᐊᓚᔫᔮᕐᑐᒧᑦ ᐃᓗᔭᐅᓯᒪᓪᓗᓂ; ᕿᑎᕆᔫᔮᕐᑕᖓᑕᓗ ᐊᑖᓂ ᐃᑯᒪᔪᑎᑐᑦ ᑕᑯᒃᓴᐅᔪᖃᕐᐳᖅ, ᖃᐅᒪᔪᕐᔪᐊᒧᓪᓗ ᐊᕙᓗᔭᐅᓯᒪᓪᓗᓂ. 28aᐊᔭᒍᑕᕐᑎᑐᑦ ᑕᐅᑦᑐᖃᕐᐳᖅ ᓄᕗᔭᒥ ᓯᓚᓗᒃᑎᓪᓗᒍ, ᖃᐅᒪᔪᕐᔪᐊᑉ ᐊᕙᑖᓃᑦᑐᖅ.
ᑖᓐᓇ ᖃᐅᒪᔪᕐᔪᐊᖅ ᓴᖅᑭᔮᕐᑎᑦᓯᕗᖅ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ.
ᒎᑎᐅᑉ ᑎᓕᓯᓂᖓ ᐃᓯᑭᐊᓕᒥᒃ ᐱᔪᖃᓛᕐᑐᒥᒃ ᐅᖃᕐᑎᐅᖁᓪᓗᒍ
28bᑕᒪᓐᓇ ᑕᑯᒐᒃᑯ, ᐹᒻᒪᒃᐳᖓ ᑮᓇᕋ ᒪᓂᖅᑲᒧᑦ ᐊᒃᑐᕐᓗᓂ, ᓂᐱᒥᒡᓗ ᑐᓴᓕᕐᐳᖓ ᐅᖃᕐᑐᒥᒃ.
Actualmente seleccionado:
ᐃᓯᑭᐊᓕᐅᑉ ᐊᒡᓚᖏᑦ 1: EAIB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Eastern Arctic Inuktitut Bible © Canadian Bible Society, 2012, 2021-2023.
