ᔨᕆᒤᐊᐅᑉ ᐅᒡᒍᐊᕐᓂᖏᑦ 4
4
ᔨᕉᓴᓕᐅᑉ ᐊᓯᕈᕐᑕᐅᓂᖓᑕ ᑭᖑᓂᖓᓂ
1ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ,
ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.
2ᓮᐅᓂᐅᑉ ᐃᓅᓱᒃᑐᖁᑎᖏᑦ ᒎᓗᑎᑐᑦ ᐊᓐᓂᕐᓇᕐᑎᒋᓚᐅᕐᑐᑦ,
ᐃᓗᓕᖁᑎᑎᑐᑦ ᒪᕐᕋᒥᑦ ᓴᓇᓯᒪᔪᑎᑐᑦ ᐃᓱᒪᓇᕐᓯᕗᑦ.
3ᐊᒪᕉᒐᓗᐊᓪᓕ ᑲᒪᑦᓯᐊᕐᐸᒃᐳᑦ ᕿᑐᕐᖓᒥᖕᓂᒃ,
ᐃᓄᖁᑎᒃᑲᓕ ᑎᖕᒥᐊᕐᔪᐊᑎᑐᑦ ᕿᑐᕐᖓᒥᖕᓂᒃ ᑲᒪᑦᓯᐊᕈᓐᓃᕐᑐᑎᑐᑦ ᑍᒤᑦᑑᓕᕐᐳᑦ.
4ᓄᑕᕋᓛᑦ ᐅᖃᖏᑦ ᕿᓚᖕᒥᖕᓄᑦ ᓂᐱᓐᖓᓕᕐᐳᑦ ᐃᒥᕈᖕᓂᕐᒧᑦ,
ᕿᑐᕐᖓᖏᑦ ᑐᒃᓯᕋᕋᓗᐊᕐᐳᑦ ᓂᕿᒃᓴᒥᒃ ᑐᓂᔭᐅᓇᑎᒡᓗ.
5ᐃᓄᐃᑦ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᑐᑦ ᐱᕐᓕᕋᕐᓗᑎᒃ ᓇᓂᑐᐃᓐᓈᓕᕐᐳᑦ,
ᐊᔪᕐᓴᖏᑦᑐᕐᔪᐊᓂᓗ ᐱᕈᕐᓴᓚᐅᕐᑐᑦ ᐊᒃᑕᑯᕐᓂᐊᕐᑎᑐᐃᓐᓇᐅᓕᕐᐳᑦ ᓂᕆᔭᒃᓴᕐᓯᐅᕐᓗᑎᒃ.
6 #
ᒨᓯᓯ ᓯᕗᓪᓖᑦ 19:24. ᐃᓄᖁᑎᒪ ᓱᒋᐊᕐᑕᐅᓂᖓᑦ ᐊᖏᓂᕐᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᕐᑕᐅᓂᖓᓂᑦ,
ᐊᓯᕈᕐᑕᐅᓇᕐᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᒪᑕ.
7ᐊᖓᔪᖅᑳᕐᔪᐊᑉ ᐸᓂᖏᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᓐᓂᕐᒧᑦ ᐊᐳᑎᑐᑦ ᓴᓗᒪᑎᒋᓚᐅᕐᐳᑦ,
ᑎᒥᖏᑦ ᐋᖅᑭᑦᓯᐊᕐᓯᒪᓪᓗᑎᒃ ᑕᐅᑦᑐᑦᓯᐊᕆᒡᓗᑎᒡᓗ.
8ᖃᐅᔨᒪᔭᐅᖏᑦᑐᑎᑐᓪᓕ ᐊᖅᑯᑎᒥᐅᑕᑐᐃᓐᓇᐅᓕᕐᐳᑦ,
ᑮᓇᖏᓪᓗ ᕿᕐᓂᕐᑕᐅᓂᕐᓴᐅᓕᕐᐳᑦ ᐸᐅᕐᒥᑦ, ᐅᕕᓂᖏᓪᓗ ᕿᔪᖕᒥᑦ
ᐸᓪᓕᕐᒥᑦ ᐸᓂᕐᓂᕐᓴᐅᓕᕐᐳᑦ ᐃᒧᓪᓗᖏᓪᓗ ᓴᐅᓂᖏᓐᓄᑦ ᑎᑭᑉᐳᑦ.
9ᐅᓇᑕᕐᑐᓂ ᑐᖁᔪᑦ ᐱᐅᓂᕐᓴᐅᕗᑦ ᑭᖑᓂᖓᓂ ᑐᖁᔪᕕᓂᕐᓂᑦ ᐱᕐᓕᕐᓗᑎᒃ
ᓱᒃᑬᑦᑐᒥᒃ ᑐᖁᕙᓪᓕᐊᔪᓂᑦ ᓂᕿᒃᓴᖃᖏᓐᓂᕐᒥᓄᑦ.
10 #
ᒨᓯᓯ ᑕᓪᓕᒪᖏᑦ 28:57; ᐃᓯᑭᐊᓕ 5:10. ᐊᓯᕈᕐᑕᐅᓇᕐᑐᑦ ᐃᓄᖁᑎᓐᓄᑦ ᑎᑭᓚᐅᕐᑐᑦ ᑲᑉᐱᐊᓇᕐᑐᕐᔪᐊᖑᓯᒪᓂᖓᓄᑦ
ᐊᓈᓇᐅᔪᑦ ᕿᑐᕐᖓᒥᖕᓂᒃ ᓇᒡᓕᒍᓱᒃᑑᒐᓗᐊᑦ ᕿᑐᕐᖓᑎᒃ ᐆᔪᓕᐅᕐᐸᒡᓗᒋᑦ ᓂᕿᒋᓕᓚᐅᕐᐰᑦ.
11ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ,
ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.
12ᐃᓄᐃᑦ ᓇᓂᑐᐃᓐᓇᖅ ᐊᖓᔪᖅᑳᕐᔪᐊᓪᓗ ᐅᓇᖕᒥᓱᒃᐸᓚᐅᓐᖏᓚᑦ
ᔨᕉᓴᓕᒥᐅᑦ ᐃᑎᕐᑕᕐᕕᖓᒍᑦ ᐃᑎᕈᓐᓇᕐᑐᖃᕋᔭᕐᒪᖔᑦ.
13ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ
ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.
14ᔨᕉᓴᓕᒥᐅᑦ ᓯᕗᓕᕐᑎᖏᑦ ᐊᖅᑯᑎᑎᒎᖃᑦᑕᕐᐳᑦ ᑕᐅᑐᖏᑦᑐᑎᑐᑦ,
ᐊᐅᖕᒥᑦ ᐊᓐᓄᕌᖏᑦ ᐃᑦᓴᒃᓯᒪᖕᒪᑕ ᓇᕐᕈᓇᕐᓯᓪᓗᑎᒃ ᓇᓪᓕᐊᓐᓄᓪᓘᓐᓃᑦ ᐊᒃᑐᕈᒥᓇᕆᔭᐅᓐᖏᓚᑦ.
15ᐃᓄᖕᓄᑦ ᐅᖃᐅᑦᔭᐅᖃᑦᑕᓕᕐᐳᑦ, “ᑕᒫᓃᒐᓯ! ᓴᓗᒤᑦᑑᒐᑦᓯ!
ᐊᒃᑐᐃᑦᑍᓕᒋᑦᓯ ᐅᕙᑦᑎᓐᓂᒃ!” ᑐᓐᖓᓱᖏᓐᓇᒥᒃ ᓇᓂᓕᒫᖅ
ᐃᓅᖃᑎᒌᒡᔪᐊᓄᑦ ᐂᕙᒃᓗᑎᒃ ᐃᓂᒃᓴᕐᓯᐅᓕᕐᐳᑦ.
16ᐊᑕᓂᐅᑉ ᑲᒪᒋᔪᓐᓃᕐᒪᒋᑦ ᓯᐊᒻᒪᕐᑎᑉᐰᑦ ᓇᒧᑐᐃᓐᓇᖅ,
ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓪᓗ ᐅᐱᒋᔪᓐᓃᕐᐰᑦ.
17ᐃᑲᔪᕐᑎᒃᓴᕐᓯᐅᓚᐅᕐᐳᒍᑦ ᓴᐱᓕᑐᐃᓐᓇᕐᓗᑕ ᓱᓇᖃᖏᑦᑐᒧᑦ ᓱᓇᐅᕝᕙ,
ᐃᓅᖃᑎᒌᒡᔪᐊᓂᓪᓗ ᐃᑲᔪᕐᓯᕐᑕᐅᓂᐊᕋᓱᒋᓪᓗᑕ ᐅᑕᖅᑭᓚᐅᕐᐳᒍᑦ ᑖᒃᑯᐊᓕ ᐱᐅᓕᓯᔪᓐᓇᓚᐅᓐᖏᓚᑦ.
18ᐊᑭᕋᑦᑎᓐᓄᑦ ᓇᒧᓐᖓᕐᓂᕗᑦ ᖃᐅᔨᒪᔭᐅᓇᓱᐊᖏᓐᓇᓕᓚᐅᕐᐳᑦ,
ᐊᖅᑯᑎᑎᒍᑦ ᐱᓱᑲᑕᒍᓐᓁᓪᓕᓚᐅᕐᐳᒍᑦ ᐊᒡᓛᑦ,
ᐅᓪᓗᐃᑦ ᓈᓴᕐᑕᐅᓯᒪᓚᐅᕐᐳᑦ ᐃᓱᓕᕝᕕᒃᓴᕗᑦ,
ᐃᓱᓕᕝᕕᒃᓴᕗᑦ ᓇᓪᓕᐅᑎᖕᒪᑦ.
19ᓇᒃᑐᕋᓕᐅᑉ ᐊᐅᕐᓵᕐᓂᖓᓂᑦ ᓱᒃᑲᓂᕐᓴᐅᓪᓗᑎᒃ ᐅᕙᑦᑎᓐᓂᒃ
ᐊᖑᓯᓚᐅᕐᐳᑦ, ᒪᓕᒃᓗᓂᑎᒍᑦ ᐊᖑᓚᐅᕐᐹᑎᒍᑦ ᖃᖅᑲᓂ,
ᐃᓄᖃᔪᐃᑦᑐᒥᓗ ᐅᑕᖅᑭᓪᓗᑕ ᑎᒍᓚᐅᕐᐹᑎᒍᑦ.
20ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ,
ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ,
ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ
ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”
21ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ,
ᓄᓇᖃᕐᑐᓯ ᐅᔾᒥ,
ᐊᓯᕈᕐᑕᐅᓂᒃᓴᓯ ᓇᓪᓕᐅᑎᓛᕐᒥᖕᒪᑦ;
ᐊᓐᓄᕌᖃᖏᓪᓗᓯ ᑲᓐᖑᓇᕐᑐᒥᒃ ᐊᑐᓕᕈᒫᕆᕗᓯ.
22ᓮᐅᓂ ᐊᔪᕐᑐᓕᓯᒪᓂᕐᒥᓄᑦ ᐊᑭᓂᐊᕐᕕᐅᖕᒪᑦ,
ᐊᑕᓂᐅᑉ ᐊᐅᓪᓚᕈᑦᔭᐅᑎᓯᒤᓐᓇᕐᓂᐊᓐᖏᓛᓯ,
ᐄᑐᒥᐅᑕᐅᔪᓯᓕ ᐊᑕᓂᕐᒧᑦ ᓱᒋᐊᕐᑕᐅᔪᒫᕐᐳᓯ
ᐊᔪᕐᑐᓕᓂᓯ ᓴᖅᑭᑎᑦᓱᒫᕐᐰᑦ.
Actualmente seleccionado:
ᔨᕆᒤᐊᐅᑉ ᐅᒡᒍᐊᕐᓂᖏᑦ 4: EAIB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Eastern Arctic Inuktitut Bible © Canadian Bible Society, 2012, 2021-2023.
