ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ. ᑖᑦᓱᒪᓗ ᐊᓄᕆᕐᔪᐊᑉ ᕿᑎᖓᓃᑦᑐᖃᕐᐳᖅ ᐆᒪᔪᐊᓗᖕᓂᒃ ᓯᑕᒪᓂᒃ. ᑖᒃᑯᐊᓗ ᐃᓄᒃᑎᑐᑦ ᑕᐅᑦᑐᖃᕐᐳᑦ. ᐊᑐᓂᓪᓗ ᑖᒃᑯᐊ ᓯᑕᒪᓂᒃ ᑮᓇᖃᕐᐳᑦ, ᓯᑕᒪᓂᒡᓗ ᐊᑐᓂᑦ ᐃᓴᕈᖃᕐᓗᑎᒃ. ᓂᐅᖏᑦ ᐃᓯᕕᖓᓪᓗᐊᕐᐳᑦ, ᐊᓗᖏᓪᓗ ᑐᒃᑐᕙᐅᑉ ᓄᕐᕋᖏᑕ ᐊᓗᖏᑎᑐᑦ ᐊᓗᖃᕐᐳᑦ; ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᕿᓪᓕᕐᑎᒋᔪᓂᒃ. ᓯᑕᒪᓂᒃ ᑮᓇᖃᕐᐳᑦ ᓯᑕᒪᓂᒡᓗ ᐃᓴᕈᖃᕐᓗᑎᒃ; ᓯᑕᒪᓂᒡᓗ ᐊᑐᓂᑦ ᐊᒡᒐᖃᕐᐳᑦ ᐃᓴᕈᕐᒥ ᐊᑖᒍᑦ. ᐃᓴᕈᖏᑦ ᐃᒻᒥᖕᓄᑦ ᐊᒃᑐᐊᖃᑦᑕᐅᑎᕗᑦ; ᐊᐅᓚᑦᔭᒑᖓᒥᒃ ᐊᑕᐅᑦᓯᒃᑯᑦ ᐃᖏᕐᕋᓯᖃᑦᑕᕐᐳᑦ, ᑎᒥᖏᑦ ᓴᖑᔭᕆᐊᖃᕋᑎᒃ.