خروج ۳۸
۳۸
سوجأنِئنی قوربأنیأنٚ رِه مذبحَ چأکودن
1 اقاقیا چو اَمرأ کی چأرتأ بٚر دأشتی سوجأنِئنی قوربأنی رِه مذبح چأکوده بوبوسته. هرتأ اونٚ بٚر دو متر و نیم و اونی بولندی ای متر و نیم بو. 2 ایجور اونَ چأکوده کی چأرتأ بیرون بٚزِه شأخٚ مأنستَن اونٚ چأرتأ بٚرٚ میأن نهأبو. مٚفرغٚ اَمرأ تومأمٚ مذبح و شأخأن رو بیگیفته بوبوسته بو. 3 تومأمٚ اونٚ دمٚدزگأ اَشأن بود بٚدرهیأن، خأکیندأزأن، قدأرهیأن، چنگکأن و آتش دأن بو کی، مٚفرغ جَا چأکوده بوبوسته. 4 بأزون ایتأ منقل مٚفرغٚ جَا مذبحٚ رِه چأکوده کی سولأخسولأخ بو و اونَ تأ نیصف مذبح میأن فوقأسته کی او لبه رو کی اویَه نٚهأ بو بینیشینه. 5 او جیگأ رِه کی مٚفرغٚ جَا و سولأخسولأخ بو چأرتأ کنأره رِه چأرتأ حلقه چأکوده کی چوبأنَ بٚدأرٚد. 6 اقاقیا دأرٚ جَا چنتأ مفرغٚ اَمرأ رو بیگیفته چوب چأکوده. 7 او چوبأنَ فوقأسته او حلقهیأنٚ میأن کی مذبح دو ورٚ میأن دوچوکسته بو. مذبحٚ دورون هیچی نٚنأ بو و تخته اَمرأ چأکوده بوبوسته بو.
مٚفرغی چأچهیَ چأکودن
8 او زنأکأنٚ آینهیأنٚ جَا کی مولأقأتٚ خیمه درٚ ورجأ خیدمت کودیدی مٚفرغی چأچه و اونی مٚفرغی پأیهیأنَ، چأکود.
عیبأدتٚ خیمه صأرأ
9 بأزون بِصَلئیل ایتأ صأرأ عیبأدت خیمه رِه چأکود کی اونٚ دیوأرأن ریز بأفٚ کتأنٚ پردهیأنٚ جَا بو. او پردهیأنٚ درأزأ کی جونوبٚ ور نهأبو پنجأ متر بو. 10 پردهیأنٚ رِه بیستتأ مٚفرغی سوتون چأکود و چنتأ مٚفرغی پأیه و چنتأ نوقرهیی قولأب و کولون اَ سوتونأنٚ رِه چأکود. 11 هه کأرَ صأرأ شومألٚ رِهیٚم بوکود. 12 او دیوأر پرده درأزأ کی غربٚ ور نهأبو بیست و پنج متر بو. پردهیأنٚ رِه دهتأ سوتون دهتأ پأیه اَمرأ چأکود و چنتأ نوقرهیی قولأب و کولون هرتأ جٚه اَ سوتونأنٚ رِه چأکود. 13 او دیوأرٚ پرده درأزأ کی شرق ور نهأبویٚم بیست و پنج متر بو. 14 عیبأدتٚ خیمه بودورون شؤئؤنٚ جیگأ او جونوبٚ تأن نٚهأ بو و دوتأ پرده اَمرأ چأکوده بوبوسته بو. او رأستٚ ورٚ پرده هفت متر و نیم بو و سهتأ سوتون کی سهتأ پأیه دأشتی رو وأرگأده بو. 15 چپٚ ورٚ پردهیٚم هفت متر و نیم بو و سهتأ سوتون کی سهتأ پأیه دأشتی رو وأرگأده بو. 16 تومأمٚ خیمه صأرأ دیوأرٚ پردهیأن ریز بأفٚ کتأنٚ جَا بو. 17 سوتونأنٚ پأیهیأن مفرغٚ جَا بو و قولأبأن و کولونأن و سٚرسوتونأنٚ روکش نوقره اَمرأ بو. نوقرهیی کولونأنٚ اَمرأ تومأمٚ صأرأ دؤرٚوٚرٚ سوتونأن کسکسَ دوچوکستٚده. 18 ریز بأفٚ کتأنٚ جَا خیمه شؤئؤن اَمؤن جأجیگأ پرده آمأدَه بوسته و آبی، ارغوأنی و سورخٚ نخأنٚ اَمرأ گولدوجی بوبوسته. اَ پرده درأزأ ده متر و اونٚ بولندی صأرأ دیوأرٚ پردهیأنٚ مأنستَن دو متر و نیم بو. 19 پرده رِه چأرتأ سوتون چأکود. سوتونأنٚ پأیه مفرغٚ جَا بو و قولأبأن و کولونأن و سٚرسوتونأنٚ روکش نوقره اَمرأ بو. 20 تومأمٚ او مِخأن کی صأرأ و خیمه چأکودنٚ رِه ایستفأده بوبوسته، مٚفرغٚ جَا بو.
عیبأدتٚ خیمه میأن اَندر آهین ایستفأده بوبوسته
21 اَن او اَندر فلزٚ عرضٚ حأل ایسٚه کی عیبأدت خیمه چأکودنٚ میأن ایستفأده بوبوسته. اَ عرضٚ حأل موسا دستورٚ اَمرأ، لاویأنٚ اَمرأ و هارونٚ کأهینٚ پٚسر، ایتامارٚ نیظأرت کودنٚ اَمرأ آمأدَه بوسته. 22 یوهودأ طأیفه جَا بِصَلئیل، اوری پٚسر و حورٚ نوه، اونچییَ کی خوداوند موسایَ دستور بٚدأ بو، چأکود. 23 اَ کأرٚ میأن دانٚ طأیفه جَا، اهولیاب، اخیسامکٚ پٚسر اونی وٚردٚس بو کی آبی، ارغوأنی، سورخٚ پأرچهیأن و ریز بأفٚ کتأنٚ نقش نیگأر تأوٚدأن و پأرچه وأفتنٚ میأن اوستأ بو. 24 سٚرجم شأ گفتن بنیایسرأییل هیزأر کیلوگرم طلأ کی عیبأدت کودن جیگأ میثقألٚ اَندر بو، پیشکش بوکودٚد کی همٚتأن عیبأدتٚ خیمه چأکودنٚ رِه ایستفأده بوبوسته. 25 ایسرأییلٚ مردوم سٚرجم سه هیزأر و چأرصد و سی کیلوگرم نوقره پیشکش بوکودٚد، کی عیبأدت کودنٚ جیگأ میقیأسٚ اَمرأ وزن بوستی. 26 مألیأتٚ رِه اَندر نوقره جٚه تومأمٚ اوشأنی کی اَشأنٚ نأم آدمأنٚ ایشمأردنٚ زمأت بینیویشته بوبوسته بو، فأگیفته بوبوسته. (هرتأ آدمٚ مألیأت ای بِکا بو کی عیبأدت کودنٚ جأجیگأ میقیأس اَندر، ۶ گرم ایسٚه.) ۶۰۳٬۵۵۰ نفرٚ جَا کی اَشأنٚ سنٚ سأل بیست سأل بوجؤرتر بو اَ مألیأت فأگیفته بوبوسته بو. 27 عیبأدتٚ خیمه چودٚوٚدٚ پأیهیأنٚ رِه و او پرده کی اونٚ دورون نهأبو سوتونأنٚ پأیهیأنٚ رِه سه هیزأر و چأرصد کیلوگرم نوقره ایستفأده بوبوسته، ینی هرتأ پأیه رِه سی و چأر کیلوگرم. 28 البأقی نوقرهیأنٚ جَا کی سی کیلوگرم بوستی سوتونأنٚ قولأبأن، کولونأن و سٚر سوتونأنٚ روکشٚ رِه ایستفأدَه بوسته. 29 هطؤیم بنیایسرأییل ایتأ مخصوصٚ پیشکش بأوٚردٚد، کی دو هیزأر و چأرصد و بیست و پنج کیلوگرم مٚفرغ بو. 30 اَندر مٚفرغ، مولأقأتٚ خیمه شؤئؤن اَمؤنٚ جأجیگأ سوتونأنٚ پأیهیأن، مٚفرغی مذبح، او منقل کی سولأخسولأخ بو و مذبح البأقی دٚمٚ دزگأ رِه 31 و هطؤیم صأرأ دؤرٚ سوتونأنٚ پأیهیأن و اونٚ شؤئؤن اَمؤنٚ جأجیگأ پأیهیأنٚ رِه، و هطؤیم خیمه مِخأن و صأرأ دؤرٚ پردهیأنٚ رِه ایستفأده بوبوسته.
Actualmente seleccionado:
خروج ۳۸: GCB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Gilaki Contemporary Bible is a Product of Transform Iran © 2024. All rights reserved. www.kelisayejame.org