خروج ۳۷
۳۷
عهدٚ صوندوقَ چأکودن
1 بِصَلئیل، اقاقیا چو جَا، عهدٚ صوندوقَ چأکود کی اونٚ درأزأ ای متر و ۲۵ سأنتیمتر و اونٚ پأنأ و بولندی هرتأ هفتأد و پنج سأنتیمتر بو. 2 خألیصٚ طلأ جَا اونٚ دورون و بیرونَ رو بیگیفته و طلأ جَا ایتأ نوأر اونٚ لبه دؤر بٚکشِه. 3 طلأ جَا چأرتأ حلقه صوندوقٚ رِه آمأدَه کود و اوشأنَ اونٚ بیجیر چأرتأ کنأره میأن دوچوکأنه، ینی هرتأ ور دوتأ حلقه. 4 بأزون اقاقیا دأرٚ جَا دوتأ درأزٚ چو چأکود و طلأ اَمرأ اوشأنَ رو بیگیفته. 5 صوندوقٚ اوسأدن و اَرأ اورأ بردنٚ رِه، او چوبأنَ بٚنأ او حلقهیأنٚ دورون کی صوندوقٚ دو طرف نهأبو. 6 خألیصٚ طلأ جَا صوندوقٚ سٚرپوش ینی رحمتٚ تختَ کی اونٚ درأزأ ای متر و ده سأنتیمتر و اونٚ پأنأ هفتأد سأنتیمتر بو، چأکود. 7 بأزون طلأ جَا دوتأ فٚرٚشته موجسمه رحمتٚ تختٚ دو سٚر چأکود. 8 او فٚرٚشتهیأنَ رحمتٚ تختٚ دو سٚر ایجور بٚنأ کی اونٚ اَمرأ ایتأ بوبوسته. 9 فٚرٚشتهیأنٚ موجسمه، کسکسٚ موقأبیل و اوشأنٚ چوم تختٚ ور و اونٚ جؤر اوشأنٚ بألأن پأن بو.
حوضورٚ نأنٚ میزَ چأکودن
10 بأزون بِصَلئیل اقاقیا چو جَا، حوضورٚ نأنٚ میزَ ای متر درأزأ و نیم متر پأنأ و ۷۵ سأنتیمتر بولندی اَمرأ چأکود. 11 جٚه خألیصٚ طلأ روکشٚ اَمرأ اونَ رو بیگیفته و ایتأ قأب طلأ جَا اونٚ دؤرتأدؤرٚ لبه رو دوچوکأنه. 12 میزٚ لبه دؤرٚ حأشیهیَ چأر انگوشتٚ پأنأ اَمرأ چأکود و طلأ قأبٚ اَمرأ او حأشیه دؤرَ رو بیگیفته. 13 هطؤیم طلأ جَا چأرتأ حلقه، میزٚ رِه چأکود و او حلقهیأنَ میزٚ چأرتأ کنأره پأیهیأنٚ جؤر دوچوکأنه. 14 اَ حلقهیأن او چوبأنٚ وأسی بو کی او میزٚ اوسأدن و اَرأ اورأ بٚردنٚ وخت وأستی اوشأنٚ میأن دوچوکه. 15 اقاقیا دأرٚ جَا کی طلأ اَمرأ روکش بوبوسته اَ چوبأنَ چأکود. 16 هطؤیم وأخوردنی پیشکشأنٚ فوکودنٚ رِه خألیصٚ طلأ جَا بوشقأبأن، قدأرهیأن، جأمأن، پیألهیأنَ چأکود کی اوشأنَ بٚنٚد میزٚ رو.
چرأغدأن چأکودن
17 خألیصٚ طلأ جَا چرأغدأنَ چأکود. پأیه و اونی بدنهیَ خألیصٚ طلأ اَمرأ ایتأ تیکه چأکود و اونٚ گولأنٚ رویَ کی کأسبرگ و تیتی دأشتیدَ طلأ اَمرأ چأکود. 18 چرأغدأنٚ بدنه رو شیشتأ شأخه نٚهأ بو، ینی سهتأ شأخه جٚه هرتأ ور. 19 بأدأم گولأن اونی زپهیأن و تیتیأنٚ اَمرأ هر شیشتأ شأخه رو کی چرأغدأنٚ جَا اَمؤیی بیرون نٚهأ بو. 20 او چرأغدأن چأرتأ بأدأمی گولٚ و اونٚ زپهیأنٚ و تیتیأنٚ اَمرأ تزئین بوبوسته بو. 21 هر جوفت شأخه جیر ایتأ جوأنه نٚهأ بو او جأجیگأ میأن کی چرأغدأنٚ جَا شیشتأ شأخه اَمؤیی بیرون و همٚتأ ایسٚره بو. 22 تومأمٚ اَ نقشأن و شأخهیأن و بدنه ایتأ تیکه خألیصٚ طلأ جَا بو. 23 خألیصٚ طلأ جَا اونٚ هفتأ چرأغ و مأشهیأن و موجمأیأنَ چأکود. 24 سی و چأر کیلو طلأ اَ چرأغ پأیه و اونی دمٚدزگأ چأکودنٚ رِه ایستفأده بوبوسته.
بوخورٚ مذبحَ چأکودن
25 اقاقیا چو جَا بوخورٚ مذبحَ مربع مأنستَن کی هرتأ بٚر اونی شین نیم متر و اونٚ بولندی ای متر بٚبه چأکوده. اونَ ایجور چأکود کی اونٚ چأرتأ کنأره ایتأ شأخٚ مأنستَن بیرون بٚزِه دأشتی. 26 مذبح و اونی شأخأنٚ روکش خألیصٚ طلأ اَمرأ بو. ایتأ قأب طلأ اَمرأ اونٚ دؤر تأ دؤرٚ رِه چأکود. 27 مذبحٚ دو طرفٚ میأن، طلأ اَمرأ دوتأ حلقه طلأیی قأبٚ جیر چأکود کی چوبأنَ مذبحَ اَرأ او رأ بردنٚ رِه اوشأنٚ میأن فوقأیٚد. 28 اقاقیا دأرٚ جَا کی طلأ اَمرأ روکش دأشتی اَ چوبأن آمأدَه بوسته بو.
مَسح و بوخورٚ روغنَ آمأدَه کودن
29 بأزون عطأرأنٚ مهأرتٚ اَمرأ موقدسٚ مسحٚ روغن و خألیص و خورومٚ عطرٚ بوخورَ آمأدَه کود.
Actualmente seleccionado:
خروج ۳۷: GCB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Gilaki Contemporary Bible is a Product of Transform Iran © 2024. All rights reserved. www.kelisayejame.org