Revelesen 19
19
Nelnal udlani arna nut eia avpata nahan Atua
1Itauatah a si lera nrn nadl lil, iv'i drl m'ertu istudau avlak arna nut eia, ivr ti a, “Aleluia. A Mlin Eia uaki, iv'i Atuad, ilev'la m'ertu. Si p'sp'as m'a nut hua udlani iv'i nkan. P'vpata nahan. 2#TVH 32:43; 2 Armlin 9:7.Sena ti Hin itu der anr m'ertu iv'i ulien dau kaviviln, kattu sera der a tav'et lil na navanel lahara, la iutakm a nadep' udlani arna p'kln ha, iv'i ti ien si stu m'a dui. Atua ittu sera m'lna di m'ertuan udlani ani.” 3#Aisaia 34:10.Laha, avvri ml kavvr ti a, “!Aleluia! Ienap' na tav'et lera iv'a eia dav'a.” 4Sarei, elta inelru pln iv'a (24), m'er sei isilv' arv'a lahara avrars kavpatei Atua la ilak arna napl p'as ha, kavvr ti a, “Amen. Aleluia.” 5#Npin 115:13.Laha, nadl iamk idan asn napl p'as, ivr ti a, “Kam'i, kvv'i m'ertu na m'akarienan Atua kavdedrn ani, kavv'i m'ertu papa m'er m'ertu lilil, pavpatei Atuad.”
6 #
Esikiel 1:24;
Npin 93:1; 97:1; 99:1. Sarei, nrn nadl inep'a drlr m'ertu istudau avp'lt, kanep'a tna nauei ivrvr istudau, kanep'a tna nav'l lil iv'l, ivr ti a, “Aleluia, sena ti a Mlin Atua, nut hua udlani iv'i nkan, Hin uaki iv'i Mlin. 7Nakd p'vrn ipap'as ipastudau kavsilu, kavani ti nahan ipav'a eia, sena ti napn na ti Net Sivsiv ipan lheien itama sarei. A naun itendedp' sera hin.” 8Am'ahu ani a ti ipaua kalik p'as itva udlani, kar. Sena ti kalik p'as iv'iv'en p'kl vivilnar m'ertuan Atua.
9 #
Mat 22:2,3. Laha, ivr a kana kavr ti a, “Nakm pulul ani, kavr ti a, ‘M'ertu Atua iv'ara anr a ti apavrama arna lheiena Net Sivsiv, apavrn ipap'as.’ ” Laha ivr a kana ml kavr ti a, “V'nen lera udlani iv'i v'nen duan Atua.” 10Sarei, nrs asn tln a ti p'epatei. V'eti ivr a kana kavr ti a, “Maan si lera. Kana nv'i m'ertu na m'akarienan a Iesu inap'ah, kap'lt m'er tv'alm udlani avvrp'ep'a sei a Iesu ivri. Papatei Atua, sena ti sei a Iesu ivrp'ep'ei iv'i sei arpruvet avvri.”
Dui iamk ilak arna hus tva
11 #
Esikiel 1:1;
Npin 96:13; Aisaia 11:4. Sarei, nla nut eia iela hin, kala hus tva iamk. Dui ilak aranan avr ti iv'i Dui Iuada Turanienan, kavr ti iv'i V'nen Dau. Hin iv'ana hua m'er m'ertu kan naur arna p'kl viviln. 12#Taniel 10:6.M'aten inep'a nap' iluluv'en. Manu p'asan a mlin inelnal iter arna ptn. Aulul a nahan aranan. M'ertu kinkin iarndaui, v'eti Hin uaki irndaui. 13Hin iua klusan ahsi al nadei. Nahan avr ti iv'i V'nenan Atua. 14Arm'rnur eia avlak arna hus tva kavsapei, kavua klus p'as ier katva. 15#Npin 2:9; Aisaia 63:3; Suil 3:13; Rev 14:20.Tali lil iamk ihaan idan al navan, a ti iparp v'anu udlani. Laha, hin ipav'i Mlinar kaua napilaktan iv'i aian. Hin ipas nava nahau ima kav'i naui m'iel na nl rer lilan Atua, la ihua ihuadau ha.
16Arna klusan m'a p'akn aulul a naha iamk, ivr ti a,
MLINAR MLIN M'A M'ERTU LILAR M'ERTU LIL.
Si Dm m'er arm'ertuan avrn ti apavan naur m'a Dui ilak arna hus tva, v'eti asransilv' anr al nep'v'en
17 #
Esikiel 39:17-20. Laha, nla ensel iamk ip'tir arna neiel kav'ara eia kavr anr m'anh udlani avtetv arna p't nut na p'knaran, kavr ti a, “Pavrama kavp'lt asn tim'ahan Atua Lil. 18A ti pavhan p'akr armlin, mlinar m'rnur, arm'ertu lilil, hus, m'ertu avlak aranar, m'a p'akr m'ertu udlani avv'i m'ertu dau, m'ertu aulr avv'i m'ertu na m'akarienar, m'ertu papa, m'er m'ertu lilil.”
19Sarei, nla si dm lahara m'er armlin na nadep' m'er m'rnurar avp'lt a ti apavan naur m'a M'ertu ilak arna hus lahara m'er m'rnuran. 20#Rev 13:1-18.Laha, avuada si dm m'a dui na v'nenan a Sitan la ien pari lilil arna nahn ha, kahap'il m'er m'ertu avlev' mak na si dm m'er m'ertu avpata m'lkn. Arru lera asransilv' anr al nep'v'en iv'en a salva, kalil inep'a nata. 21Laha, Dui ilak arna hus irp duanar a tali lilan idan al navan. Sarei, m'anh udlani avhan p'akr kavrapd.
Actualmente seleccionado:
Revelesen 19: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
