Revelesen 20
20
Ensel iamk ihudei a Sitan ipalak pai ipav'i 1,000
1Laha, nla ensel iamk idan eia kadama a nadep', kaua kii na tah lil m'a sen lil iamk al lm'an. 2#Ap'u 3:1.Kauada alkit, iv'i nmat trtarep' lahara, iv'i M'ertu Imlen M'ertu, kav'i a Sitan. Ihudei a ti ipalak pai ipav'i 1,000, 3kasrani al tah lil kap'leskari katu mak aranan, a ti ikasner m'ertu arna nadep' dav'a ipaier naran pai iv'i 1,000 lahara ipahiris. Ipatauatah a si lera akulni pr, v'eti ikap'arei.
M'ertu ahavpatei a Sitan avrama kavv'i mlin m'ei a Kristu pai iv'i 1,000
4 #
Taniel 7:9,22. Laha, nla napl p'as kinkin m'er m'ertu avlak aranan. Atua itu nut hua anr a ti apavv'ana hua m'er m'ertu. Nla m'im'ilr m'ertu attrus sera ptr sena ti avvrp'ep'ei a Iesu m'a v'nenan Atua. Ahavpata si dm v'aha aitul iv'i m'lkn. Ahavlev' mak nen arna tana nahr v'aha arna lm'ar. Laha, avrama kavsilv' kavlak m'ei a Kristu kavv'i mlin m'ei pai iv'i 1,000. 5V'eti duana m'ertu avram'a, ahavrama kavsilv' ml ier naran pai iv'i 1,000 lahara ihiris. Ki lera iv'i tertauamu na ti m'ertu avthal ml arna m'ien. 6M'ertu iv'i ki naran avthal ml itauamu arna m'ien, iparn ipap'as kav'i m'ertu p'as. M'ertu lera, tv'el m'ien nut huan ihei aranar, v'eti apavv'i prisan Atua m'ei a Kristu, kavv'i mlin m'ei pai ipav'i 1,000.
Avan naur m'ei a Sitan kavutakm ani
7Sarei, naran pai iv'i 1,000 lahara ipahiris, apuln a Sitan iparuh arna p'resinan. 8#Esikiel 7:2; Esikiel 38:2,9,15.Sarei, hin ipav'a kasner v'anu udlani arna pna nadep' iv'a, iv'i Kuk m'a Makuk, sena ti apavp'lt kavan naur. Hir avstudau kavnep'a nun iter a p'ak nata. 9Sarei, avrav'a kavsiv' nut udlani arna nadep' kavlaktalu a nut m'ertuan Atua avp'lt m'a v'anu lil Atua ilap'as ani. V'eti nep'v'en ima a nadep' kadan eia asn Atua kalr udlani. 10Laha, asran a Sitan, la isnarr ha, al nep'v'en iv'i salva ilil inep'a nata, iv'i nut si dm m'a dui na v'nenan a Sitan lahara arlak. Laha, apavrn istu ren m'a lihat dav'a ikahiris naran.
M'ertu iamk ilak arna napl p'as ilil katva, kav'ana hua m'er nelnal udlani
11 #
Taniel 7:9,10. Sarei, nla napl p'as ilil katva, kala M'ertu ilak aranan. Nadep' m'a p'knaran arruh arna nahn, ahapasla m'lnar ml. 12Laha, nla m'ertu avram'a, avv'i m'ertu lilil m'er m'ertu papa, avp'tir arna nahn Atua. Laha, aiela puk, kaiela puk uraur ml, iv'i puk na silv'ien. Sarei, Atua iv'ana hua m'er m'ertu udlani atvram'a sarei, sena si udlani avani, iviviln m'a sei aulul ani iter arna puk. 13Nata itum'alet a m'ertu udlani avram'a kavlak a nln. M'ien m'a m'lna m'ertu im'a artum'alet a m'ertu udlani avram'a kavlak a nlr. Laha, Atua iv'ana hua m'er iviviln a parei hir udlani avani. 14Sarei, asran m'ien m'a m'lna m'ertu im'a al nep'v'en ilil inep'a nata. Ki lera iv'i tv'el m'ien. 15Laha, m'ertu udlani ahapasla nahar al puk na silv'ien asranr al nep'v'en ilil kanep'a nata.
Actualmente seleccionado:
Revelesen 20: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
