SABURI 114
114
Kyiimbo kya Pasaka
1Haleluya.
Kyeeri Israeli alooka Misri
Nawe Yakobo kalakana na vandu veny,
2Yuda mmbo alekaa ando akwe kweele,
Na Israeli katira ding'u yakwe.
3Yeeve mmbo ilelollya ikarisha!
Nato mura wa Yordan ukasalala.
4Mafumbu akakillya-killya sha suva,
Na fidoora sha ngurana ta suva.
5A yeeve nkyi kwava kukeerisha?
Neewe Yordan nkyikyi kwasalala?
6Yeni mafumbu mu-killyeny sha suva?
Neeni fidooro sha ngurana ta suva?
7Yewe uruka, rerema yoo usanguny lwa Nndumi Iruva,
Yoo usanguny lwa Iruva wa Yakobo.
8Mmbo aallwaa ando a iwe akava irrwa lya mura;
Na iwe yuumu lyikava usoka.
Actualmente seleccionado:
SABURI 114: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
