SABURI 115
115
Iruva umwi va dede
1Nshi yese-fo woi Nndumi Iruva, Yewe kurumishwaa, lularumishwe yese-fo,
Ni irina lyafo yeni kushelyirumishaa,
Kimaruma kya ilyillya lyafo,
Kimaruma kya usaari lwafo.
2A nkyikyi elyi vandu va masanga vakeyaamba,
“A Iruva waawo nkwi akai?”
3Lyo Iruva weeru ni iruveeu akai,
Na kyoose akunndye kikatanyika
4Mafwanu awo mfesa na saabu,
Mmashora a maako a vandu.
5Mmbo atiri kana deny lyo nalareraa,
Akatira miso nisha lyo nalalollyaa!
6Akatira maarwi lyo nalashiitaa,
Akatira mmbwa lyo nalafwaamyaa,
7Akatira maako lyo nalatiraa kyiwo, na marende lyo nalasheendaa,
Nta nalashuutaa unyanga!
8Yewo veatana mmbo vayavakye,
Wo umwi yeto aavikye nsia.
9Yeni Israeli, vikeny Nndumi Iruva nsia!
We mmbwwe ngarami na ngawo yaany.
10Yeni mmba ya Aron vikeny Nndumi Iruva nsia!
We ni ngarami na ngawo yaawo.
11Yeni veendya Nndumi Iruva kevembikeny nsia;
We ni ngarami na ngawo yaawo.
12Nndumi Iruva mmbo allukumbwa, naluvikye mbora,
Ashevikya ufyari lwa Israeli mbora, navikye mmba ya Aron mbora.
13Yewo veemwinndya mmbo ashevavikyaa mbora,
Woose vadu na vaniini.
14Nndumi Iruva navafumbute,
Yeni na vana vany
15Yeni muvikyo mbora ni Nndumi Iruva, Nalo ulana kuluniinga vandu.
16Ngyina ni ngyina ta Nndumi Iruva
Indi uruka aningye vana va vandu.
17Nshi vafu varumishaa Nndumi Iruva-fo,
Nta nshi yewo vaeefwa sau-fo.
18Ni yese lusherumishaa Nndumi Iruva,
Pookya inu fika llung'anu!
Actualmente seleccionado:
SABURI 115: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
